Arte[faktua]

12:55ean

Iñaki Segurolaren eleberri dialogikoa, gaur gauean, "Arte[faktua]" saioan

EITB Media

Publikatuta: 2022/01/28 11:59 (UTC+1) Azken eguneratzea: 2022/01/29 10:45 (UTC+1)

Aimar Uribesalgo eta Karmele Jaio ere izango dituzte gonbidatu larunbateko programan.

1:56

• Whatsapp
• Whatsapp
• telegram
• twitt
• Bidali
• Esteka kopiatu

Iñaki Segurola idazle azpeitiarra izango da gaur "Arte[faktua]" saioko gonbidatu nagusia. Segurolak Koiteretzia izeneko eleberri dialogikoa kaleratu du Alberdaniaren eskutik.

2020ko hasieran hedatu zen covid-19 gaitzak eman zion idazleari abiapuntua horri buruz eleberria idazteko. Hiru pertsonaien hausnarketa, elkarrizketa eta ahotsak dira liburu osoan zehar irakurleak entzungo duena. Horien bitartez bizi dugun pandemia honen lehen urratsak, itxialdia, deseskalatzeak, ez jaiak eta ez festak jaso ditu idazle azpeitiarrak.  

Azpeitiko zezen plaza izango da Iñaki Segurola eta Yolanda Mendiolaren arteko elkarrizketaren lekuko, gune kuttuna baita azpeitiar egilearentzat. Aimar Uribesalgo poeta eta dokumental egile oñatiarra batuko da solasaldiaren hondarrera.

Ni, zu, hura du izenburua aste honetako erreportajeak Letren bidaiak atalean. Karmele Jaioren eskutik, pertsona narratiboak aztertuko dituzte. Istorio bat lehen, bigarren edo hirugarren pertsonan kontatzeak uste baino eragin handiagoa du kontaketan, eta aukeraketak buruhauste bat baino gehiago ekar ditzake idazlearentzat.

"Arte[faktua]" gaur izango da ikusgai 12:55ean ETB1en eta eitb.eus-en.