Patxi Zabaletari elkarrizketa, gaur gaueko 'Azpimarra+' saioan

Maddalen Iriartek Patxi Zabaleta, Nafarroako Legebiltzarreko Aralar-NaBai taldearen bozeramailea, elkarrizketatuko du gaur gauean 'Azpimarra+' albistegian. Azkeneko egunetan hedabideetako titularretan protagonista izan da Zabaleta, ETAk erakunde zibil moduan jarraitu behar duela adierazi eta gero. Maddalen Iriartek adierazpen hauen inguruan, eta egun-eguneko beste hainbat gai politikoren inguruan galdetuko dio.

Bestalde, Asier Blas, Jule Goikoetxea eta Eguzki Urteaga solasaldi mahairen inguruan bilduko dira, eta Adrian Zelaia eta Joseba Barandiaran adituek egungo egoera ekonomikoa aztertuko dute.

'Azpimarra +' gaur gauean emitituko da, 23:15etik aurrera, ETB1en.