Aitor Lopez Rekarte Realeko jokalari ohia, gaur, "Biba Zuek!" saioan

Bizipoza proiektua hizpide hartuta, elkarte asko pasatu dira "Biba Zuek!" saioaren platotik haien bideoklipak aurkeztera. Gaur arratsaldean, Ulertuz Bizkaiko Haur Gorren Familia eta Lagunen Elkartea izango dute saioan, eta ekimenaren azken bideoklipa aurkeztuko dute. Abestiaren izenburua "Maskorraren Ipuina" da, Miren Amurizak egin du letra eta ahotsa Aiora Renteriak jarri dio.

Bigarren orduko gonbidatua Aitor Lopez Rekarte Realeko jokalari ohia izango da. Bonba ezizenez ere ezagutu genuen Realean jokatzen zuenean, aitari ere horrela deitzen baitzioten. Larunbateko Errege Kopako Finalari buruz arituko dira berarekin. 

"Biba Zuek!" gaur izango da ikusgai, 18:00etatik aurrera, ETB1en eta eitb.eus-en.