Errege Kopa

Zale gorritxek Udaletxe Plaza bete dute Osasunari harrera egiteko. Taldea udaletxera gerturatu da hiri guztiko errekonozimendua jasotzera.

EITB Mediak jarraipen berezia egin zion Osasunak Real Madrilen aurka jokatutako futboleko Errege Kopako finalari. Gure kazetariek Sevillan bizitakoari buruz hitz egin dute.

Osasunako jokalariak bueltan dira jada Iruñan, bart Errege Kopako finala jokatu ondoren. Bihar, maiatzak 8, egingo diote harrera.

(Jatorrizkoa, gaztelaniaz). Osasunako entrenatzaile eta jokalari ohiak talde gorritxoak egindako lana azpimarratu du.

Cartuja Estadiotik ateratzean, Osasunaren zaleak oso harro agertu dira euren taldeak Errege Kopan egin duen lanarengatik, nahiz eta finalean Real Madrilen aurka 2-1 galdu.

Osasunako entrenatzaileak, finala amaituta, adierazi du talde gorritxoaren jokalariek "partida eta Kopa itzela" egin dutela. Deitoratu egin du Real Madrilen bigarren gola, kontuan izanik noiz eta nola jazo den, eta Jon Moncayilaren lana nabarmendu du.

Lucas Torrok gol ikusgarria sartu du Real Madrilen aurkako Kopako finaleko bigarren zatian, Partida berdintzeko eta gorritxoei itxaropena emateko balio izan du zenbait minutuz.

Partida hasi eta berehala, Osasuna jokatzen ari zen finala ikusteko Gaztelu Plazan jarritako lau pantailetako bat lurrera erori da, nahasmena eraginez bertan zeudenen artean. Beste pantaila bat ere itzali egin da.

Talde gorritxoaren Fan Zonea itxita, Osasunako hainbat eta hainbat zale elkarrekin abiatu dira futbol zelaira; egin duten kalejira historikoa izan da.

Osasunaren autobusa zale gorritxoz inguratuta iritsi da, eta bertan ziren jokalariak jarraitzaile nafarren animoak jaso dituzte, Kopako finalean Real Madrili aurre egin aurretik.

Sevilla gorriz esnatu da larunbat honetan Osasunako zaleekin. Finala hasi baino ordu batzuk lehenago, jai giroak talde gorritxoaren Fan Zonea bustitzen du, bere taldea animatuz.

Finalaren eguneko arratsaldean, jende asko bildu da Labriten, eta giro bikaina izan da pilotalekuan, jaialdiaz gozatzeko; Juan Martinez de Irujo Iberokoa da, David Garcia Osasunako kapitainaren herrikidea, eta realzale sutsua da, baina Osasunarentzako eguna da gaurkoa.

Sevillara joandako zale gehienak itxaropentsu daude Real Madrili kopako finala irabazteko aukerarekin. Hori bai, luzapenean edo penaltietan erabakiko den partida oso gogorra aurreikusten dute.

Hondurasetik Kopako finalera joan diren Real Madrileko bi jarraitzaile gozatzen ari dira zale gorritxoak Sevillan jartzen ari diren giro bikainaz, eta horietako batek erabaki du Osasuna animatuko duela finalean zehar.

Jesus eta Mateo Garcia aita-semeek altxor bat dute: Osasunaren 103 urteko historian kaleratu diren futbol kromoen bilduma egiten dute. 3.000tik gora dituzte.

Sevillan, Nafarroatik joandako milaka zaleez gain, turista asko dabiltza, atzerritik iritsitakoak. Batzuek ez zekiten Kopako finala gaurkoan jokatuko zutela, baina beste batzuk jakinaren gainean zeuden.

Zale gorritxoek gustura eta jai giroan bizi dituzte Real Madrilen aurkako finalaren atariko orduak.

Entrenatzaile bizkaitarraren sorterriko bizilagunek kamiseta gorria jantzi eta Osasunaren alde egingo dute gaur, Real Madrilen aurkako Kopako finalean.

Nacho Anso nafarra Sevillako hotel entzutetsu bateko zuzendaria da, Real Madrilek finalaren atariko orduak pasatuko dituen hotelarena, hain zuzen. Nacho gorritxoen zale sutsua da, eta argi du nork nahi duen Kopa irabaztea.

Azken oruetan, zale gehiago abiatu dira Sevillara trenez eta hegazkinez, Real Madrilen aurkako finalaz disfrutatzeko asmoz.

Japoniako gorritxoen bideoa birala bihurtu da. Iruñea ere bitxikeriaz beteta dago finalaren aurreko une hauetan.

Osasuna zaleen kolore gorriak, Sevillako hirigune historikoko kaleak apaintzen ditu dagoeneko. Bihar Cartujan jokatuko den finalaz gozatzeko espero diren 24.000 zale nafarren artean lehenak dira hauek.

Egun handia izango da biharkoa eta dena prest daukate zaleek. Partida zaila izango den arren, aurrera aterako dutela uste dute.

Maria Chivite Nafarroako presidentea Sevillan da Osasunak Real Madrilen aurka jokatuko duen Errege Kopako finalerako. Hortik, animo mezu bat bidali nahi izan die taldeari eta zaleei (eitb.eus-i esklusiban egindako adierazpenak gaztelaniaz).

Osasunako zaleak Sevillako kaleak kantuz eta txantxaz betetzen ari dira Kopako finala jokatzeko bezperan.

Jagoba Arrasate Osasunako entrenatzaileak adierazi du "lasai" daudela "naturaltasunez" daramaten Errege Kopako finalaren aurrean. "Bertsiorik onena" eskatu die bere jokalariei.

Osasuna zaleen kolore gorriak, Sevillako hirigune historikoko kaleak apaintzen ditu dagoeneko. Bihar Cartujan jokatuko den finalaz gozatzeko espero diren 24.000 zale nafarren artean lehenak dira hauek.

Bortzirietako Gorriak peñako presidentea izan da gurekin: Egoitz Telletxea. Ez du Sevillara joateko aukerarik izan, baina peñan ikusiko dute finala; etxean eta giro oso goxoan.

Osasuna Andaluziako hiriburuan da, eta Osasunako zale batzuek ongietorria eman diote taldeari, bertan; baikor azaldu dira, finala hizpide.

Oier Sanjurjo Osasunako jokalari ohiak elkarrizketa eskaini digu Zipretik, bertan ari baita jokatzen. Taldearen zale guztientzako momentu berezia dela dio, noizean behin baino gertatzen ez baitira.

EITBk inkesta egin du, Sevillako kaleetan, jakiteko bertako zaleek noren alde egiten duten, Osasunaren ala Real Madrilen alde. Ikusi dugunez, Sevilla taldeko zaleek Osasunak irabaztea nahiago dute.