Iñaki Guridi Euskadi Irratiko kazetaria, gaur arratsaldean, "Biba Zuek!" saioan

"Biba Zuek!" saioan Iñaki Guridi Euskadi Irratiko esataria izango dute gonbidatu eta haren ibilbide profesional oparoa errepasatuko dute gaur arratsaldean. Aurten Rikardo Arregi sarietako finalista izan da Iñaki Guridik Zaballako espetxetik egin zuen "Faktoria" saio berezia, eta aitzakia hori hartuta "Biba Zuek!"eko platoan izango da. Ostiral honetan izango da sari banaketa ekitaldia.

Lehen orduan, Zero Zabor Hozkailua ekimenari buruz hitz egingo dute. Horretarako, testigantza ezberdinak izango dituzte. Jantokian soberan dagoen jatekoa jaso eta herriko hozkailuan gordetzen dute, behar duen horrek har dezan. Euskal Herrian herri ezberdinetan martxan dago ekimen hau eta geroz eta gehiago ari da zabaltzen, jatekoa zakarretara ez botatzeko kontzientzia sortu eta janari horri bigarren bizitza bat emateko.

"Biba Zuek!" astelehenetik ostiralera izaten da ikusgai, 18:00etatik aurrera, ETB1en eta eitb.eus-en.