Biba Zuek
18:00etan
Julius MC disc-jockeya, gaur arratsaldean, "Biba Zuek!" saioan
EITB Media
Lehen orduan, ezagutzen ez diren Korrikaren beste alderdi batzuk izango dituzte hizketagai.
-
Maddalen Arzallus eta Xabier Sukia. Argazkia: EITB Media
Julio Vila DJa, Julius MC izenez ezaguna, gaurko gonbidatua izango da "Biba Zuek!" saioan. Zestoarrak urte ugari daramatza musika munduan; han eta hemen ibili izan da musika jartzen, baita EITBko hainbat saiotan ere. Gaur egun arte egin duen ibilbidea errepasatuko du, hainbat liburu idatzi eta diskoak argitaratu ditu, eta maiatzaren 21erako BECen antolatu duen izugarrizko festaz arituko da.
Lehen orduan, Korrika izango dute hizpide. Oraingo honetan, Korrikaren beste alderdi batzuk ezagutuko dituzte. Besteak beste, Korrikako furgonetaren gidari lanetan hainbat ediziotan aritu den txoferra, Gipuzkoako aurtengo Korrikaren koordinatzailea eta, igandean Donostian Korrika amaituko denez, bertan jokatuko den "Egunean behin" FLASH lehiaketaren arduraduna izango dituzte platoan. Denek dute Korrikaren inguruan zeresana eta sentimendua.
"Biba Zuek!" astelehenetik ostiralera izaten da ikusgai 18:00etatik aurrera ETB1en eta eitb.eus-en.
