Biba Zuek
18:00etan
Pantxoa Carrere abeslaria, gaur arratsaldean "Biba Zuek!" saioan
EITB Media
Lehen orduan, edertasun lehiaketetara aurkeztu diren bi gonbidaturekin arituko dira: Odei Jainaga Mister Bizkaia eta Ariana Alberdi Miss Gipuzkoa.
-
Pantxoa Carrere 'Esperantzan' diskoa aurkezten. EITB Mediaren bideo batetik ateratako irudia
Labetik atera berria da Pantxoa Carrereren Esperantzan diskoa eta hamabi kantu berriz osatutako lanari buruzko xehetasunak ematera etorriko da abeslaria gaurko "Biba Zuek!" saiora. Peio Ospitalekin batera osatu zuen Pantxoa eta Peio bikotean egin zen ezagun Carrere. 2016. urtean eten zuten bien arteko elkarlana eta bakarkako lehen diskoa kaleratu zuen urte berean, Anaitasunean. Bigarren lana du, beraz, oraingoa.
Lehendabiziko orduan, berriz, edertasun lehiaketetara aurkeztu diren bi lagunen testigantzak jasoko ditugu. Odei Jainaga xabalina jaurtitzaile ezaguna izateaz gain, Mister Bizkaia da. Ariana Alberdi oriotarra, aldiz, Miss Gipuzkoa.
"Biba Zuek!" astelehenetik ostiralera izaten da ikusgai 18:00etatik aurrera ETB1en eta eitb.eus-en.
