Bisitaria
22:15ean ETB-1en
Xabier Saldiasekin, gaur gaueko 'Bisitaria'n
A.H.
EITB
Xabier Euzkitze erromerian joango da berarekin, eta abestiren bateko doinuak partekatuko ditu berarekin.
Informazio gehiago (1)
Aste honetako 'Bisitaria'n Euskal Herriko plaza guztiak zapaldu dituen musikaria izango dute protagonista. Xabier Euzkitzek Xabier Saldiasekin du zita, berrogei urtetik gora Egan taldearekin jo eta ke, etengabe, milaka erromeriatan aritu den artista. Eta nola ez, erromerian joango da bisitaria berarekin, bere lantaldekoekin eta bere familiakoekin.
Horrez gain, Xabier Saldiasen etxea ezagutu eta Azpeitikoaren haurtzaroko toki kuttun batera joango dira: Loiolara. San Inazioren Basilikaren babespean, Saldiasen sendikoa den pertsonaia oso ezagun batekin egingo dute topo gainera: Jose Mari Iriondorekin. Eta eskarmentu handiko kazetari honen istorioak eta anekdotak ez dira faltako.
Saldias eta Euzkitze, Xabier eta Xabier. Artista biak bat eginik Bisitarian 'Mexiko' abestiaren doinuak partekatuko dituzte.
'Bisitaria' gaur emitituko da 22:15etik aurrera ETB1en.
