Debatea
Gaur gauean
Jaurlaritzak onartu berri dituen aurrekontuei buruz, 'Debatea'n
N.G.
Erredakzioa
Klaudio Landak gidatzen duen saioko solaskideek Jaurlaritzak onartutako zirriborroari buruzko iritzia emango dute, gaur 22:30ak aldera hasita.
-
Klaudio Landa Debatean
Aste honetako "Debatea" programan Eusko Jaurlaritzak onartu berri dituen 2013ko aurrekontuak izango dira mintzagai. Gaur bertan eramango dituzte Legebiltzarrera aurtengo diru kontu horiek eta handik aurrera hasiko da eztabaida.
Alderdi politikoek honen aurrean izan dituzten erantzun eta erreakzio guztiak aztertu eta komentatuko dira ostegun honetan "Debatea" saioan. Murrizketek izango dituzten ondorioez ere arituko dira solaskideak bertan. Besteak beste, aurrekontu hauek krisitik aterako gaituzten eta onartu ezean zer gertatuko den eztabaidatuko da mahai-inguruan.
Honi guztiari buruz hitz egiteko Gorka Moreno soziologoa, Aintzane Ezenarro kazetaria, Dani Maeztu EH Bilduko legebiltzarkidea eta Maribel Vaquero EAJ-PNVko legebiltzarkidea izango ditu gonbidatu platoan Klaudio Landak.
22:30ak aldera hasiko da Klaudio Landak gidatzen duen saioa, Caja Laboral eta Fenerbacheren arteko Euroligako saskibaloi partidaren ondoren; hain zuzen ere.
