Dantzaldia eta 'Loreak errepidean' filmaren editatzea, 'EiTB Kultura'n

Dantzaldia ekimenaren bidez gaur egungo dantzaren erretratua egin, eta Loreak errepidean filmaren editatzeari buruzko erreportajea eskainiko du 'EiTB Kultura-Transit' saioak. Gaur gauean ETB1en izango da ikusgai kultur saioa, eta ostegunean, berriz, ETB2n.

Dantzaldia udazkenean izango dugu berriro Bilbon. Gaur egun dantzak duen egoera erakutsiko digu dantza garaikidearen jarduera honek. Datozen hilabeteetako eskaintzen artean, hauek izango ditugu: Olivier Duboisen  dantza-performancea; familia guztiarentzat dantza, Aracaladanzanekin; dantzarik garaikideena, Laveronalen eskutik; Carmenen mitoa; eta For Now in liquid days, Dantza Konpainia Nazionalak Guggenheimerako prestatutako ikuskizuna.

Halaber, 'EiTB Kultura'ko lantaldea Loreak errepidean filmaren editatze-gelan izango da. 2013an euskaraz ekoitzi den bigarren film hau 2014an estreinatuko dute. Jon Garaño eta Jose Mari Goenaga zuzendariek eta Raul Lopez editatzearen arduradunak film bat nola editatzen den jakiteko zenbait arrasto emango dituzte.

Zinema estreinaldiak, erakusketak, musika eta internet eskaintza errepasatzeaz gainera, Kultur TICK agenda aurkeztuko du 'EiTB Kultura'k.