Eitb Kultura
Agenda
TRIZ3PS taldeko Javi P3z musikaria, gaur, 'EiTB Kultura-Transit'en
A.H.
EITB
Musikariak bere ibilbide profesionala errepasatuko du eta bere azkeneko diskoa, Buenas nuevas, aurkeztuko du.
Javi P3z, Alberto Bosch eta Oriol Flores musikariek TRIZ3PS taldea osatzen dute eta hilabete honetan euren azkeneko diskoa aterako dute: Buenas nuevas. Azkeneko hamarkadetako musika estilo ezberdinak batzen ditu lan honek: pop, rock, funk, ska eta soula. Biniloan eta digitalean bakarrik argitaratuko dute, eta musika tresnen benetako soinuarekin grabatu dute, sistema analogikoan. Oso musika dantzagarria da, eta gizartearen gaineko hausnarketa eskaintzen du umorez eta ironiaz josita. Javi P3z musikariarekin hitz egingo dute gaurko 'EiTB Kulutra-Transit' saioan, eta taldearen ibilbideaz eta martxan jarri dituzten proiektuez arituko da solasean.
Horrez gain, ETBko kultura magazinak 'Gaztea Cover'en grabazio berria eskainiko du, kasu honetan, Enkoreren eskutik. Saioak, gainera, zine estreinaldi eta kultura eskaintza ezberdinak eskainiko ditu aste honetan.
'EiTB Kultura' gaur gauean emitituko da ETB1en eta ETB2n.
