Eitb Kultura
ETB1en eta ETB2n
La Llave Maestra antzerki konpainia, 'EiTB Kultura'n protagonista
EITB
Saioak Nomadas konpainiaren azken antzezlana ezagutuko du.
La Llave Maestra antzerki konpainiaren mundu harrigarrian barrena murgilduko da aste honetako 'EiTB Kultura Transit' saioa. Txilen eta Nafarroan lan egiten duen talde oso berezia da La Llave Maestra: horren antzezpenek ez dute testurik, eta agertokian agertzen eta desagertzen diren objektuak hartzen dituzte protagonista. Aurkeztu berri duten Nomadas euren hirugarren antzezlanean, ordea, objektuekin batera, pertsonaiek izango dute lekua.
Horrez gain, aste honetako kultur agendari begira jarriko da 'EiTB Kultura': zinema estreinaldiak, musika proposamenak, eta Olatu Talka kultur ekimena aurreratuko ditu, besteak beste.
'EiTB Kultura Transit', gaur, 23:45ean ETB1en, eta 01:20an, ETB2n.
