Eitb Kultura
Gaur gauean
Pier Paolo Pasolini eta Elías Querejeta gogoan, 'EiTB Kultura' saioan
A.A.
EiTB
Biek ala biek 60ko eta 70eko zinema disidentearekin izan zuten harremana aztertuko dute Javier Rebollok, David Truebak eta Joxean Fernandezek.
-
Elías Querejeta
Pier Paolo Pasoliniren eta Elias Querejetaren ibilbidea izango dute aztergai aste honetako 'EiTB Kultura' saioan, horien figura eta lanari buruz Donostiako San Telmo museoan ikusgai dauden erakusketak direla eta. Italiar zinemagileak eta ekoizle gipuzkoarrak 60ko eta 70eko hamarkadetako zinema disidentearekin izan zuten harremanaz jardungo dira Javier Rebollo eta David Trueba zinemagileak eta Joxean Fernandez Euskadiko Filmategiko zuzendaria.
Sortzaileak atalean, Reinaldo Loureiro eta Corinne Vionnet argazkilarien lanari erreparatuko diote. Horien lanak Getxophoton daude ikusgai egunotan.
'EiTB Kultura' gaur gauean izango da ikusgai ETB1en eta ETB2n.
ETB2n.