Eitb Kultura
Gaur, ETB1en eta ETB2n
Sorkunen disko berriaren aurrerapena, 'EiTB Kultura Transit' saioan
A.A.
EiTB
Hamaika kantuz osatutako lan pertsonala osatu du Ziklomorphosia izenburupean.
Bideoak (1)
Informazio gehiago (1)
Sorkunen Ziklomorphosia diskoaren aurrerapena eskainiko du 'EiTB Kultura Transit' saioak gaur gauean. Orain arte egindakoaz aldentuta, 11 kantuz osatutako lan pertsonala osatu du datorren astean plazaratuko den bakarko bere laugarren lanean. Izan duen krisialdi kreatiboaz eta ilusioa galtzeaz eta berreskuratzeaz hitz egingo du Sorkunek, baita musikan egin duen ibilbidean ezinbestekoak izan dituen Kashbad taldeaz eta Fermin Muguruzaz.
Maider Oleaga da aste honetako Sortzaileak ataleko protagonista. Tabakaleran dihardu lanean egunotan, Ikusmira Berriak egonaldi programaren baitan. IRA 26-2 izeneko proiektua garatzen ari da bertan, Elbira Zipitria andereñoaren inguruko film luzea izango dena.
Skasti zarauztarrak dira Gaztea Cover atalean musika jarriko dutenak. Kerobia nafarren abesti bat aukeratu dute Gazteak botatako erronkan parte hartzeko, eta 'Esnatu naiz' abestiaren gainean egin duten moldaketa propioa entzun eta ikusi ahalko da aste honetako 'EiTB Kultura Transit' saioan, gaur gauean, ETB1en eta ETB2n.
