Bertan behera gelditu da "Go!azen"en Donostiako aurrestreinaldia

Bertan behera gelditu da "Go!azen 7.0" telesailak Donostiako Kursaalen, larunbatean (urriak 24), egin behar zuen aurrestreinaldia.

Koronabirusak Euskal Herrian sortu duen egoera ikusita eta agintarien azken orduetako gomendioei jarraituz, Euskaltelek, telesailaren babesleak, antolatuta zeukan Kursaaleko ekitaldia ez egitea erabaki da.

Pena handiz hartu da erabakia, baina guztion hobe beharrerako izango dela irizten diote bai Euskaltelek bai "Go!azen" telesailak.

Azaroaren 20an estreinatuko da telesaila guztiontzako ETB1en, eitb.eus-en, Goazen APPan eta EiTB taldearen bestelako euskarrietan. Bien bitartean, euren kontuak kontatzen jarraitzen dute gazteek Goazen APPan.