Kevin, erruduna ala errugabea?

Kevin izango da, besteak beste, protagonista astearte honetan, hilak 29, ETB-1en eskainiko dugun atalean 'Goenkale' telesailaren atalean

Kevin 'in fraganti' aurkituko dute esku batean beisbol bate bat duela eta bestean Saiden konorterik gabeko gorpua, eta atxilotu egingo dute Saiden aurkako erasoa burutzea egotzita. Manex izango da Kevinen errugabetasunaren alde egingo duen bakarra, eta honek lur jota utziko du gaztea.

Garbiñeren etxean lasaiago egongo dira gauzak baina arazoak ere ez dira gutxi izango. Bere seme alabek presioa sartuko diote, izan ere haien ustez Sabinok etxean luzerako geratzeko asmoa du. Hau, berriz, ez da egoeraz jabetuko, bere amaren osasuna baita bere ardura nagusia.

Jonek goxotasun handiz zainduko du Ines, eta honek bien arteko erlazioak inork espero ez zuen bidea hartzea eragingo du.

Denda batean lapurreta egin izana egotziko diote Itxasori, eta honen ostean bere jenio guztia aterako du bere eskubidek defendatzeko asmoz. Honen ondorioz, poliziak esku hartuko du eta Ibon bera izango da Itxaso polizia-etxera eramango duena.