Goenkale
Gaur gauean, ETB1en
Nekanek aurkikuntza harrigarria egingo du Egoitzen etxean, 'Goenkale'n
Gaueko atalean, arauz kontra arituko da Nekane, eta aurkikuntza harrigarria egingo du Egoitzen etxean. Ez galdu "Goenkale", astelehen eta astearteetan, 22:15etik aurrera, ETB1en.
Informazio gehiago (2)
"Goenkale"n, gaur gaueko atalean, Itxasok Erikaren sexuaren berri izango du. Hori dela eta, Manexen sexu-joera zalantzan jarriko du. Jaione hil egingo da, eta Erikak Julen bere semea ezagutuko du. Honek, ordea, ez daki Erika bere ama dela.
Garik ez du amorerik emango lanean, bere familia aurrera ateratzeko beharrezkoa dena egingo du. Barbara, aldiz, arduratuta dago senarrak sexua praktikatzeko gogorik ez duelako, eta jeloskor dago. Uste du bere senarrak Lupe duela gustuko, baina ez da horrela; Kepari Mireia gustatzen zaio. Halere, Oliverrekin duen harremanean dago murgilduta Mireia; bikotearen arteko konplizitatea gero eta handiagoa da.
Aliciak ez dio Naiaren gaixotasunaren eta ebakuntzaren berri emango bere senar ohiari; ondorioz, Kandido haserretu egingo da eta Aliciari aurka egingo dio. Bestalde, Kandidok gaua esna pasatuko du Esther babesteko. Kandidok ez daki Estherrek hil zuela bere aita, eta honek bere ahizpari aitortuko dio egindakoa.
Egoitzek hil aurretik abiatutako ikerketa aztertuko du Nekanek, eta haren etxeko giltzak aurkituko ditu. Arauz kontra arituko da Nekane, eta Egoitzen etxean sartuko da; aurkikuntza harrigarria egingo du bertan.
Ez galdu zure telesail gustukoena, astelehen eta astearteetan, 22:15etik aurrera, ETB1en. Gainera, "Goenkale" zuzenean ikus dezakezue internet bidez.
