Goenkale
Gaur, 22:15ean
Itxasok Arralde asaldatuko du 'tupper sex' saioekin, 'Goenkale'n
Gaur gaueko "Goenkale"n, Mitxel zerbait ezkutatzen ari dela susmatuko du Nekanek. Itxasok Arralde asaldatuko du tupper sex saioekin. Gaur, 22:15ean, ETB1en.
Informazio gehiago (2)
Bogan egin duten lapurreta izango da hizpide Arralden. Denen ahotan dago tabernan egindako lapurreta, eta askok ez du kontuan hartuko lapurra inguruan dabilela. Eskerrak Mitxel dagoen Alicia zaintzeko.
Mitxel zerbait ezkutatzen ari dela susmatuko du Nekanek, izan ere, Mitxelek eta Egoitzek elkar ezagutzen zutela jakingo du. Egoitzen hiletaren kasua pertsonala bilakatu da Nekanerentzat.
Bestalde, Kepak etsi egingo du, izan ere, Mireiak berari laguntzea erabakiko du: Afrikara joango da gaixo dagoen haurra Arraldera eramateko asmoz.
Erikaren bizitza aldatu egingo da bere semea Arraldera heldutakoan. Haren ama hil egin da, eta hobiratu egingo dute. Ezbeharraren aurrean oso jarrera heldua izaten ari da Julen. Ez daki Erika bere ama denik, uste du bere izeba dela.
Itxasok Arraldeko emakumeak asaldatuko ditu bere lan berriarekin: tupper sex bilerak antolatzen arituko da.
Ez galdu zure telesail gustukoena, astelehen eta astearteetan, 22:15etik aurrera, ETB1en. Gainera, "Goenkale" zuzenean ikus dezakezue internet bidez.
