Goenkale
22:15ean
Aliciak lapurra aurkituko du Bogan, gaur, 'Goenkale'n
Gaur gaueko atalean, Nekanek Egoitzen hilketa argitzeko borrokan jarraituko du, eta Arraldera poza eramango du Itxasok bere tupper sex bilerekin.
Nahiz eta Kandidoren babesa ez izan, eta honi ikerketak albo batera utziko zituela hitza eman, Nekanek Egoitzen hilketa argitzeko borrokan jarraituko du.
Kandidok orain beste arazo batzuk ditu, Aliciarekin dibortzioaren akordioa sinatu berri du, eta penak alkoholean itotzeko asmoz, tabernara joko du. Kandido mozkortuta aurkituko du Estherrek eta etxera eramatea erabakiko du.
Sabinok, negar artean, Luperekin maiteminduta dagoela kontatuko dio bere amari. Asierrek aitorpen hau entzungo du. Halaber, Coralina ere sufritzen dago eta amaren babesa bilatuko du. Izututa eta txarto igarotzen ari dela esango dio amari.
Bestalde, Itxasorekin eta bere sexu-jostailuekin dator poza Arraldera. Asun jakinminez hurbilduko da tupper sex bileretara eta dorpe azalduko da jostailu berriekin. Jostailutarako, Mireiak Oliverri Afrikatik bidaliko diona.
Lapurrak ez du amore emango, eta Bogara itzuliko da. Oraingoan Alicia ez du zorte ona izango, lapurra zain izango du...
Ez galdu 'Goenkale'ko atal berriak, astelehen eta astearteetan, 22:15etik aurrera, ETB1en. Gainera, "Goenkale" zuzenean ikus dezakezue internet bidez.
