Goenkale
22:15ean, ETB1en
Kaietek Erika jipoituko du, bihar, 'Goenkale'n
Gainera, Asun eta Asierren arteko bizikidetza okertzen ari da, eta Asierrek Luperi kontatuko dio.
Informazio gehiago (1)
ETB1ek bihar eskainiko duen 'Goenkale'ren atal berrian, Kaietek Juleni egia esatearekin mehatxatu egingo du Erika. Azkenean, Erika nekatu egingo da eta Juleni egia esango dio. Kaiet haserre bizian jarriko da eta Erika jipoituko du.
Kandido kezkatzen da Nekane pilulak hartzen ikusten duenean. Mitxelek, aldiz, begitartea aldatu ere egin gabe begiratzen dio.
Aitza lo dagoen bitartean, Kepa eta Barbararen inguruko frogak bilatzeko aprobetxatzen du Dorletak. Eta oraingo honetan zerbait topatuko du.
Asun eta Asierren arteko bizikidetza okertzen ari da, eta Asierrek Luperi kontatuko dio. Honek bere etxera bizitzera joateko esaten dio.
Mireiak ez joateko eskatzen dio Oliverri, baina honek erabakita du. Alde egiten duenean, telefono mugikorra ahazten zaio. Telefono horretan, Mireiak bidali zion bideo erotikoa dago, eta kasualitatez, bideo hori, Keparen eskuetan erortzen da.
Ez galdu 'Goenkale'ko atal berriak, astelehen eta astearteetan, 22:15etik aurrera, ETB1en. Gainera, "Goenkale" zuzenean ikus dezakezue internet bidez.
