Goenkale
Aurrerapena
Olaia Ugarte Arraldera itzuliko da gaur 'Goenkale'n!
EiTB
Jagobaren arreba da Olaia, eta Arantzari ez dio graziarik egiten bere koinata etxean ikusteak. Zertara ote dator? Zer asmo ditu? Gaur gauean, 22:15ean, ETB1en eta eitb.eus-en.
Informazio gehiago (2)
'Goenkale'n, Etxegaraitarren etxean ez da giro. Arantza lur jota dago: Hodei semeak leuzemia du, Alazne alabak ezin dio hezur-muinik eman nebari tatuaje bat egin berri duelako, eta orain, Olaia, bere senarraren arreba, itzuli da. Azken hau ikusteak ez dio batere graziarik egin, gainera. Zertara ote dator Olaia? Zer asmo ote ditu? Zergatik ez da Arantzarekin ondo konpontzen?
Hori gutxi ez, eta sendamin botikak kaltetutakoei eman beharreko dirulaguntza dela eta, egoera ekonomiko larria dute. Ondorioz, Lupe, kaltetua izan zen Sabinen emaztea, botatzea erabaki du Arantzak.
Beraz, orain denbora libre gehiago izango du Lupek eta garbiketa egitea erabakiko du. Garai ederrean hasi da! Barruan dagoenarekin ondo jabetu gabe, maleta zahar bat botako du eta Sabin eta Axun erabat aztoratuko ditu. Zer ezkutatzen zuten maleta horretan? Zergatik da hain garrantzitsua? Eta non bukatuko du maleta horrek?
Honen guztiaren erantzunak, gaur gauean, 'Goenkale'n ikusiko ditugu, ETB1en eta eitb.eus-en.
