Goenkale
Gaur, 22:25ean, ETB1en
Zein da Jagobaren osasun egoera bihotzekoa izan ostean?
EITB. EUS
Jagobaren osasunak kezkatuta dauka Etxegarai familia. Bihotzekoa izan du eta ospitalean dago. Goenkale, gaur, 22:25ean, ETB1en eta eitb.eus-en.
Informazio gehiago (2)
"Goenkale" telesailaren gaurko atalean, Etxegarai familiak berri txarrak dituela ikusiko dugu. Jagobak bihotzekoa izan du, eta haren osasun egoeraren berri izateko zain egongo dira. Guztiak daude kezkatuta, baina, dena den, liskarrak izango dituzte. Arantzak Olaiaren aurka jarri nahi ditu bere seme-alabak. Gainera, ospitalera iristen denean, aurre egingo dio Izaskuni, Jagobaren osasun-egoeraren berri jasotzeko.
Fatimak Paolaren inbidia izaten jarraituko du, eta ahizpa italiarraren aurka jarri nahiko du. Dena den, ez du lortuko.
Bestalde, Aliziak Naiaren kontutik dirua hartu duela jakingo du Kandidok, eta eztabaida handia izango dute.
Asunek eta Lupek "roomba" bat erostea erabaki dute. Xurgagailua etxeko protagonista izango da, eta pertsona bat balitz bezala hartuko dute.
Bitartean, Endikak Tania kontsolatuko du, aitari gertatutakoaren errudun sentitzen baita. Hodei bikotearen harreman estuaren lekuko izango da, eta, minduta, bere logelara joango da.
Ez galdu "Goenkale", astelehenetan, 22:25etik aurrera, ETB1en eta eitb.eus-en
