Gu Ta Gutarrak
GU TA GUTARRAK
'Gutar day' festara etorri nahi? Eman izena!
L.A.
EITB
Gutarzaleekin sekulako jaia antolatuko du 'Gu ta gutarrak' saioak azaroaren 6an, EiTBk Bilbon duen egoitzan. Etorri nahi duenak gutarday@eitb.eus helbidera bidali behako du atxikitako agiria beteta.
Informazio gehiago (2)
Azaroaren 6an, ostirala, 'Gutar Day' festa antolatuko du 'Gu ta gutarrak' saioak, 19:00etatik 22:00etara, EITBk Bilbon duen Multibox aretoan.
Ekitaldi ugari izango dira arratsalde osoan zehar gutarzale guztientzat: photocall-a, DJak eta disko-festa, karaokea, musika, ikastaroak, dantza, probak... denetarik egongo da jaian.
Gutarrak eta gutar ohiak elkartuko dira bertan; beraz, aurrez aurre ezagutu nahi badituzu, ez aukera galdu. Gainera, gutarren esperientzia bizi nahi duenak 'Gu ta Gutarrak' saioko castingerako izena eman dezake egun horretan ere.
Etorri nahi baldin baduzu, atxikitako dokumentua beteta eta sinatuta bidali beharko duzu gutarday@eitb.eus helbidera. Anima zaitez!
Oharra: Adingabeek guraso edo legezko tutorearen baimena beharko dute festara etortzeko. Gainera, heldu batekin etorri beharko dute 14 urtetik beherakoek. Hala ere, heldu bakar batek adingabe bat baino gehiago (lagun-taldea, adibidez) jagon ditzake.
