'Zaldi urdina' antzezlaneko aktore protagonistak, gaurko 'Gure Kasa'n

Gaur, Zaldi urdina antzezlaneko hiru aktore izango dira 'Gure Kasa'n gonbidatu: Edurne Azkarate, Oier Zuñiga eta Miren Alcala. Iaz estreinatu zen antzezlana Euskal Herriko aretoetan, eta herriz herri dabiltza orain proiektuarekin. Zaldi urdina drogaren eta gazteriaren inguruko lana da. Antzezlanaren inguruan hitz egingo dute saioan, baita etorkizunerako dituzten proiektuez ere.

Honetaz gain, Joseba Beloki kolaboratzailea beste aspaldiko baten bila joan da. Oraingoan, Jose Manuel Unanuerekin egongo da, Euskal Herrian hiesa zuela adierazi zuen lehen gaixoarekin. Bi urteko bizi-itxaropena eman zioten arren, aurrera egitea lortu du, eta guztion eredu bilakatu da. Hala ere, hori ez da sorpresa bakarra izango. Izaskun Moyano Donostian izan da kalean inkestak egiten, eta, Doinu kaxa atalean, lau aktoreen abesti kuttunenenak entzuteko aukera izango dute.

'Gure Kasa' gaur izango da ikusgai, 21:00etan, ETB1en eta eitb.eus-en.