Amets Arzallusek Txapelketa Nagusia irabazi zuenekoa, gaur, ETB1en eta eitb.eus-en

Duela zazpi urte bizitakoak ekarriko dituzte gogora igande honetako bertsolaritza tartean. 2013ko Bertsolari Txapelketa Nagusiko finala eginda, haren inguruko "Hitzetik Hortzera" egin zen ETB1en. Bertsozale Elkarteak egoitza duen Amasa-Villabonako Subijana etxera etorri zen Amets Arzallus txapelduna, eta harekin solasean aritu ziren Aitzol Barandiaran eta Josu Goikoetxea, hain zuzen, Euskal Telebistarako final hura aurkeztu eta aztertu zuten adituak.

Arzallusen hitzekin batera, final hartan entzundako bertsoaldiak eskainiko dira. Bestalde, orduko hartan atzerritik etorritako kantu inprobisatzaileen eta ahozkotasunean aditu direnen iritziak ere ezagutuko ditugu: Mexikoko, Galesko edota Ameriketako Estatu Batuetako inprobisatzaile eta ikertzaileak, besteak beste.

Hitzordua, gaur, 15:00etan, ETB1en eta eitb.eus-en.