Itxi Liburuak
22:30ean
Kike Amonarriz eta euskal sukaldaritza, gaur gauean, "Itxi Liburuak" saioan
EITB Media
Historian barrena, garai ezberdinetako jakiak ezagutuko dituzte, baita euskal sukaldaritza berria ere.
Informazio gehiago (1)
Euskal Herria munduan ezagun egiten duen ezaugarrietako batean murgilduko da gaurko "Itxi Liburuak" saioa: euskal sukaldaritzan, hain zuzen ere. Kike Amonarrizek izango du, oraingoan, irakasle postuan jarri eta gaia kontatzeko erronka.
Gaizka Aranguren historia dibulgatzaileak lagunduta, euskaldunon jan-edanen munduan murgilduko dira. Paleolito garaira bidaia egin eta orduko jakiak jateko aukera izango du Amonarrizek; baita oso gureak direla uste badugu ere, gureak ez diren jakien berri izateko ere. Erdi Aroko sukalde batean sartuko da, eta euskal sukaldaritza berria ere ezagutuko du.
Hori guztia kontuan hartuta, hainbat gonbidaturen laguntza ezinbestekoa izango da. Tartean izango dira Hilario Arbelaitz, Ainhoa Ostolaza, Mila Oliveri eta Imanol Zubelzu.
Euskal sukaldaritzaren inguruan ikasitako guztia ikasleei azaldu beharko die gero Kike Amonarrizek, baina ez edonola. Telebistako saio askotan erakutsi duen trebetasuna baliagarria izango al da ikasleak jakien munduan murgiltzeko?
"Itxi Liburuak" gaur izango da ikusgai, 22:30ean, ETB1 eta eitb.eus-en.
