'Izarrak Kalean' saiorako castinga bidaltzeko epea bukatu da

'Izarrak Kalean' saiorako castingak bidaltzeko epea bukatu da eta eskerrak eman nahi dizkizuegu parte hartu duzuen guztiei. Izan ere, 80 bideo-casting inguru jaso ditugu.

Saioaren arduradunek, orain, zuen castingetako bideo horiek guztiak ikusi eta aztertuko dituzte eta aukeratutakoak bigarren edizioko lehiakideak izango dira. Dena dela, orain arte iritsitakoekin grabazioak hasi zituzten maiatzaren 18an.

2.000 euro daude jokoan 'Izarrak Kalean' saioaren edizio berri honetan. 1.000 euro saioaren irabazleak eskuratuko ditu; beste 1.000 euroak, berriz, Gaztea 25 urteren eskutik etorriko dira, eta eitb.eus atarian martxan jarriko dugun lehiaketaren irabazleak poltsikoratuko ditu. Saioaren emisioarekin batera jarriko dugu martxan lehiaketa, eta, bertan, jendeak bozkatu ahal izango du zein den bere abeslari kuttunena.

'Izarrak Kalean' saioa laster hasiko da, ETB1en!