Bigarrenak
Bigarrenak
Arrain eta itsaski tenpura bi saltsarekin
Osagaiak
- (2 pertsonarentzat)
- Arraina eta itsaskiak:
- - Zapo txiki bat
- - 6 otarrainxka
- - 4 zigala
- - Txitxarro bat
- - Limoi baten azal birrindua
- - Soja saltsa, txorrotada bat
- - Gatza
- Tenpura orea:
- - Tenpura irina, 200 g
- - Azafraia
- - Ur hotza
- - Koloratzaile hori pittin bat
- - Gatza
- Baratxuri beltz maionesa:
- - Arrautza bat
- - Ekilore olioa, 200 g
- - 2 baratxuri beltz ale
- - Gatza
- - Limoi baten zukua
- Tomate bixi saltsa:
- - Tomate frijitua, 2 koilarakada
- - Laranja erdiren zukua
- - Oliba olioa, txorrotada bat
- - Jerez ozpina, koilarakada bat
- - Oreganoa, koilarakada bat
- - Piperrautsa, koilarakada bat
- - Siracha saltsa, koilarakada bat
- - Jengibre birrindu pixka bat
- - Gatza
- - Pipermina
Prestaketa
Arraina eta itsakiak
Itsaskiak zuritu. Zapoari solomoak atera, baita txitxarroari ere, eta azala eta hezurtxoak kendu. Zati estu eta luzeak egin, eta limoi azalarekin eta soja saltsarekin egindako nahasketan sartu.
Tenpura orea
Ontzi batean, tenpura irina, gatza, azafrai xigortua eta koloratzailea sartu, ur hotza pixkanaka bota, beharrezko loditasuna hartu arte, eta hotzean gorde.
Baratxuri beltz maionesa
Osagai guztiak ontzi batean sartu, eta irabiagailuarekin txikitu emultsioa sortu arte.
Tomate bixi saltsa
Nahastu osagai guztiak poto batean, irakin bat eman, eta emultsionatu.
BUKAERA
Olioa berotzen jarri itsakiak eta arraina frijitzeko. Horiek irinetan pasatu, eta tenpuran sartu; ondo nahastu, eta poliki oilotara bota. Ondo frijitzen direnean, paper xurgatzailera atera. Saltsa bereiziak bi ontzitan jarri. Arrain eta itsaski frijituak plater sakon batean jarri. Eskuekin hartu, saltsetan sartu, eta goxatu.
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa
