Prestaketa

Curry eta koko saltsa:

Saltsa egiteko, baratxuriak, tipulina txikitu eta lapiko batean jarri. Gatza bota. Kolore pixka bat hartu dutenean, martorria eta sagar xehatua gehitu (bihotzik gabe). Beratuaren zukua eta koko-esnea, bota minutu batzuez irakiten eduki eta oilasko zati gorrituak sartu.

Oilasko bularra:

Oilasko bularra txikitu, bol batean jarri eta gatza eta piperra. bota Currya, limoi azala eta zukua gehitu. Ondo nahastu eta beratzen utzi, 10-15 minutuz gutxienez. Oilasko-zatiak xukatu eta lapiko batean olio txorrotadatxo batekin frijitu. Beratzearen zukua gorde.

Osagarria:

Arroza ur askorekin eta gatz pixka batekin 10-11 minutuz egosi. Xukatu eta zartagin bero batean olio txorrotada batekin salteatu egingo dugu pixka bat gorritzeko.  

Kokoa zuritu eta zuritzailearekin xafla fin luze batzuk moztuko ditugu. Labe erretilu batean luzatu eta labean lehortu egingo ditugu. Ateratzean curry hautsa botako diogu.

Bukaera:

Oilaskoa, arrozarekin lagundu eta saltsa bota. Koko “chips” batzuk bota gainetik.

Nahi izanez gero, perrexil xehatuarekin hautseztatu eta perrexil-adar batekin apaindu.