Kontuz Atsuak!
Gaur
Kasta bila, gaurko 'Kontuz, Atsuak' saioan
A.A.
EITB
Gazteek edo beteranoek, zeinek duen benetako kasta erakutsi nahian ariko dira Maikrux eta Marikarmen.
Informazio gehiago (1)
Gaur, martxoak 10, "Kontuz, Atsuak" saioan, Maikrux eta Marikarmen Azpeitian ospatutako urrezko aizkoraren finalean izango dira eta bakoitzak bere apustua egingo du: Maikruxen ustetan Floren Nazabal eta Arkaitz Jauregik irabaziko dute; bere ustez garai bateko kirolariek gaur egunekoek baina kasta gehiago dutelako. Maikarmenek, berriz, Unai Otaño eta Joseba Otaegiren aldeko apustua egingo du, gazteek kasta ere badutela aldarrikatuz.
Gazteek edo beteranoek, zeinek du kasta gehiago norgehiagoka horretan? Gimnasio oso moderno batera gerturatuko dira gure atsuak eta bertan, Leon Albeniz Iruntxiberri korrikalari ohiarekin egingo dute topo. Honek, garai batean izan zuen prestaketa, kirolariek gaur egun duten prestaketarekin alderatuko du eta aspaldian lortu zituen marken inguruan mintzatuko da. Horrez gain, Andoni Urkiola preparatzaile fisikoarekin egongo dira atsuak, chicas con tirón badirela argi badaukate ere, forma hori mantentzeko spinning klase bat hartuko dute.
Otaegi eta Otaño aizkolarien entrenamendu batean ere izango dira Maikrux eta Maikarmen. Gaur egungo herri kirolari gazteen prestaketa ikusi nahi dute eta modu batean gazteek duten kasta erakutsi. Nork irabaziko ote du apustua, Maikruxek edo Maikarmenek?
Pello Zabalarekin ere izango dira, noski... ideiak biltzeko bere aholkularitza ezinbestekoa baita beti.
Barre algarak seguru, gaur, 'Kontuz, atsuak!' saioarekin, gazteek edo beteranoek, zeinek duen benetako kasta erakutsi nahian.
