Fantasia eta desiraren arteko kontuak, gaur gauean, 'SexSua' saioan

Gaur gauean, 'SexSua' saioak fantasia eta desiraren arteko kontuak izango ditu hizpide. Gauza bera al dira? Zer dakigu horien inguruan? Sexu joeraren inguruan ere arituko dira, sarritan fantasiak eta norberaren sexu joeraren inguruko zalantzak nahasi egiten baitira.

Astero legez, Desirak taldeko sexologo batekin izango da Jon Gomez Garai, eta kalera irtengo da herritarrei galdetzera. Horrez gainera, Yogurinha Borova artistari sekula egin dioten elkarrizketarik xelebre baina aldi berean gertukoena egingo dio Jonek: besteak beste, lanaz mintzatuko dira, pertsona eta pertsonaiaren arteko desberdintasunez, eta Euskal Herrian homosexuala edota trabestia izateko askatasunaz.

Amaitzeko, Mikel Urdangarinek Gasteizen duen tabernara joango da Jon, eta fantasia eta errealitatea nahasiko zaizkio bertan.

'SexSua', 23:15ean, ETB1en.