Teknopolis
ETB1en eta ETB2n
Donostiako Maratoiari eskainitako 'Teknopolis' berezia
A.A.
EiTB
Joan den igandean jokatutako Donostiako Maratoiaren inguruko saio tematikoa eskainiko du "Teknopolis"ek. Lasterketako irudiekin eta prestakuntzarako aholkuekin osatuko dute saioa.
Saio tematikoa prestatu du "Teknopolis"ek aste honetarako, pasa den igandean jokatutako Donostiako Maratoiaren ingurukoa. Maratoiaren irudiak eta korrikalarien adierazpenak bilduko dituzte, eta entrenamenduei buruz ere mintzatuko dira. Lasterketako estrategiari eta oinetakoei dagokienez, kirol-oinetakoak hautatzeko orduan zeri erreparatu, neurrira egindako plantillak nola egiten diren podologo baten laguntzarekin, eta kirol-mediku baten adierazpenak bildu dituzte.
"Teknopolis" saioa larunbat goizean (11:00) dago ikusgai ETB1en eta igande goizean (10:00) ETB2n, Oihana Jauregik aurkeztuta.
