Goi mailako zientziak enpresara egindako bideaz, aste honetan, 'Teknopolis' saioan

Belauntzan hasiko due aste honetan, 'Teknopolis' saioa Tolosaldean. Papergintzarako makinaria ekoizten zuen galdaragintza-enpresa familiar bat izatetik, goi mailako azpiegitura zientifikoentzako piezak egitera iritsi da Belauntzako Cadinox enpresa. Erronkaz erronka, aluminio-aleazioak soldatzeko teknika doitu behar izan dute, eta Tolosaldea Lanbide Heziketa Eskola izan dute bidelagun ikerketa horretan. Material horrek dituen berezitasunez gainera, esijentzia-maila hain altuko homologazioak lortzean dago zailtasuna.

Puntako ikerketan oinarritutako enpresak sortzeko beste bide bat unibertsitatetik abiatzea da. Unibertsitatearen definizio klasikoak dio tituluak ematen dituen instituzioa dela, baina, gaur egun eta aspaldi xamarretik, hori baino gehiago ere egiten du. Ezagutza berria sortu eta gizarteari ematea, ikasleak formatu bezain funtzio garrantzitsua eta oinarrizkoa da unibertsitate modernoetan. Spin off edo enpresa berriak sortzea, patenteak lortzea, zerbitzuak eskaintzea… ekimen horien guztien atzean dagoen ideia transferentzia da, ezagutzaren eskualdatzea.

'Teknopolis' larunbatean 13:30ean dago ikusgai ETB1en, eta igandean, 13:25ean, ETB2n. Saio biak eitb.eus atariak eskainiko ditu, streaming bidez.