Zuzenean

Bilatu

Enpresaburuak

1 / 30 Hurrengoa

EAEko entitateen % 12k darabilte Adimen Artifiziala, Euskadin hasiberria den arloa

Publikatuta: 2024/10/23 11:55 (UTC+2) Azken eguneratzea: 2024/10/23 15:11 (UTC+2)

Euskadiko Adimen Artifizialaren Zentroak (BAIC) teknologia horren lehen diagnostikoa egin du. Emandako datuen arabera, gutxienez 89 enpresa ari dira AA garatzen, eta eskariari erantzuteko nahikoa ez badira ere, 908 pertsonak dute arlo horren inguruko prestakuntzaren bat.

Iberdrolak 5.471 milioiko etekina lortu du irailera arte, iaz epe berean baino % 50 gehiago

Publikatuta: 2024/10/23 08:59 (UTC+2) Azken eguneratzea: 2024/10/23 11:17 (UTC+2)

Gainera, konpainiak 12.300 milioi euroko inbertsioak egin ditu azken hamabi hilabeteetan.

Pradalesek bat egin du Garamendirekin eta Imazekin bankuei eta energiari ezarritako zergaren kritikan

Publikatuta: 2024/10/22 17:43 (UTC+2) Azken eguneratzea: 2024/10/23 12:04 (UTC+2)

Lehendakariaren ustez, "salmentak zergapetzea, eta ez konpainien dibidenduak, ez da eredurik onena". Repsoleko kontseilari delegatuaren hitzetan, zerga "populismo fiskala" eta "diskriminatzailea" da, eta CEOEko presidentearen esanetan, "sobera daude".

Amatatu dute Nervacero enpresan bart piztutako sutea, Trapagaranen

Publikatuta: 2024/10/22 07:23 (UTC+2) Azken eguneratzea: 2024/10/22 08:04 (UTC+2)

Suhiltzaileak bertan daude txatarra pila freskatzen. Garrak atzo gauean piztu ziren hondakin metalikoak pilatzen diren eremu batean. Ez zen inor zauritu baina kalte materialak handiak dira. Lehen aldiz, suteak itzaltzeko robota erabili dute.

Txatarra pila batek su hartu du Nervacero enpresan, Trapagaranen

Publikatuta: 2024/10/21 22:33 (UTC+2) Azken eguneratzea: 2024/10/21 23:04 (UTC+2)

Bi leherketa izan ostean, sutea hondakin metalikoak pilatzen diren eremu batean hasi da, eta ez zegoen langilerik bertan. Ondorioz, ez da inor zauritu, eta suhiltzaileek ez dute beharginik erreskatatu behar izan.

Talgok negoziazioa abiatzea erabaki du Sidenorrekin, "balizko salerosketa" baterako

Publikatuta: 2024/10/21 09:18 (UTC+2) Azken eguneratzea: 2024/10/21 09:49 (UTC+2)

Sidenorrek joan den astean jakinarazi zuen Talgo erosteko bere asmoa. Tren ekoizlearen akzioen zati bat edo osoa bereganatzeko prest agertu zen egoitza nagusia Basaurin duen enpresa.

Akordioa itxi dute MasOrange konpainiaren lan-erregulazioko espedientean, eta 650 langileri eragingo die

Publikatuta: 2024/10/16 18:23 (UTC+2) Azken eguneratzea: 2024/10/16 18:39 (UTC+2)

Euskalteleko enpresa-batzordeko presidentea akordioaren aurka agertu da, ez delako "borondatezkoa bakarrik" izango, eta "kaleratzeak" egongo ote diren beldur delako. Haren esanetan, ezin da jakin Euskaltelen zenbat kaleratze egongo diren, nahiz eta hasiera batean 39 planteatu.

''Baja malgutik'' ''itzulera mailakatura'': hauek dira proposamenaren gakoak

Publikatuta: 2024/10/15 09:59 (UTC+2) Azken eguneratzea: 2024/10/15 09:59 (UTC+2)

Espainiako Gobernuak planteatu du bajatik "pixkanaka lanera itzuli" ahal izatea, sendagiria jaso ondoren eta medikuen ikuskaritzapean. Zalantzak oraindik asko dira, baina Europan ez da kontu berria. Izan ere, 10 herrialdetan egiten da.

Jaurlaritzak ''elkarrizketak abian'' ditu Talgo eta BMren proiektuak babesteko asmoz

Publikatuta: 2024/10/08 12:55 (UTC+2) Azken eguneratzea: 2024/10/08 12:58 (UTC+2)

Maria Ubarretxena Eusko Jaurlaritzako bozeramaileak "diskrezioa" eskatu du bi prozesuetan "kolaborazio publiko-pribatua" beharrezkoa delako.

Ayerza, lanaldia murrizteaz: ''Erronka erakargarria izan daiteke, baina lehiakortasunari eutsita''

Publikatuta: 2024/10/07 09:31 (UTC+2) Azken eguneratzea: 2024/10/07 09:31 (UTC+2)

Lanaldia murrizteko aukeraz galdetuta, Jose Miguel Ayerza Adegi Gipuzkoako Enpresen Elkarteko presidenteak honako erantzun du: "eztabaida ez da lanorduak jaistea edo ez, eztabaida da lanorduak jaisteko zer lortu behar den, lehiakortasuna ez galtzeko".

Ehungintzaren eta oinetakoen sektoreko greba Araban eta Bizkaian, ''Estatuko hitzarmena inposatzearen aurka''

Publikatuta: 2024/10/05 15:17 (UTC+2) Azken eguneratzea: 2024/10/05 15:27 (UTC+2)

Arropa eta oinetako saltokietako langileek greba eguna dute gaur Araban eta Bizkaian. ELAren deialdiarekin bat eginez, manifestazioa egin dute Bilbon, "Espainia mailako hitzarmena inposatzearen aurka".

Gipuzkoako industria-enpresak "ahultasun zantzuak" erakusten hasi dira

Publikatuta: 2024/10/04 15:18 (UTC+2) Azken eguneratzea: 2024/10/04 16:23 (UTC+2)

Adegiren esanetan, ahultasun honek "zerikusi zuzena" du EBko merkatuen eboluzioarekin eta Txinaren presentzia gero eta handiagoarekin. Hala ere, Gipuzkoako egoera ekonomikoak ona izaten jarraitzen du, eta BPGa % 1,8 eta % 2,2 artean igoko dela aurreikusten dute.

Diazek ukatu egin du lanaldia 37,5 ordura murrizteko aukera 2026ra atzeratzea proposatu duenik

Publikatuta: 2024/09/25 10:18 (UTC+2) Azken eguneratzea: 2024/09/25 13:11 (UTC+2)

Ukatu bakarrik ez, gaiaren inguruan patronalak eta PPk duten jarreran jarri du azpimarra ministroak, "akordiorako aukerak" ikusten dituelako.

MasOrange konpainiaren lan-erregulazioko espedienteak 39 kaleratze aurreikusten ditu Euskaltelen

Publikatuta: 2024/09/20 17:55 (UTC+2) Azken eguneratzea: 2024/09/20 18:16 (UTC+2)

Orange Españaren bi filialak, OSP eta OSFI, izango dira lan-erregulazioko espedienteen eragina gehien jasango duten sozietateak; zehazki, 521 baja izango dira Orange Españan (OSP) eta 33 Orange España Comunicaciones Fijasen (OSFI).

Confesbaskek 40 orduko lanaldia murrizteko "tartea" ikusten du, baina ez modu orokorrean

Publikatuta: 2024/09/20 10:44 (UTC+2) Azken eguneratzea: 2024/09/20 16:51 (UTC+2)

Horregatik, "denborak eta neurriak" bilatzeko deia egin du. Bestalde, esan du euskal enpresariek ez diotela "uko egiten" lau eguneko lanaldiari, baina "orain ez da haien kezka".

Lehendakariak Mercedes-Benzek Gasteizen duen lantegia handitzeko lanak bisitatu ditu

Publikatuta: 2024/09/19 13:51 (UTC+2) Azken eguneratzea: 2024/09/19 15:37 (UTC+2)

Mercedes-Benzek 1.000 milioi euro inbertitu ditu Gasteizen duen lantegian, 800.000 metro karraturaino handitzeko. Lanen helburua da 2026tik aurrera furgoneta elektriko berriak ekoiztea.

Mikel Torres sailburuak "errealitate sozioekonomikoarekin bat datorren gutxieneko soldata" bultzatuko du

Publikatuta: 2024/09/16 17:20 (UTC+2) Azken eguneratzea: 2024/09/16 17:30 (UTC+2)

Bigarren lehendakariorde eta Ekonomia, Lan eta Enplegu sailburuak agerraldia egin du Eusko Legebiltzarreko Batzordean, Sailak legealdi honetan dituen helburuak aurkezteko.

"Aldaketa dago balio-eskalan; gazteek ordutegiak, mugikortasuna eta telelana gehiago estimatzen dituzte"

Publikatuta: 2024/09/13 10:06 (UTC+2) Azken eguneratzea: 2024/09/13 19:24 (UTC+2)

Iñigo Juez Ajebask Euskadiko Enpresaburu Gazteen Federazioko presidenteak atzo egindako adierazpenak azaldu ditu, "gazteek ez dute lan egin nahi" esan ostean. Horren arabera, "alboratu ezin dugun errealitate bat da".

''Gazte askok diote ez diela merezi lan egiteak''

Publikatuta: 2024/09/12 18:52 (UTC+2) Azken eguneratzea: 2024/09/12 20:14 (UTC+2)

Iñigo Juez Euskadiko Enpresari Gazteen Federazioko (Ajebask) presidentea haserre eta kezkatuta agertu da, azken bi urteetan gero eta gehiago baitira "lan egiteak ez diela merezi" dioten gazteak. "Esku hartzeko unea da", adierazi du.

Jaurlaritzak Andoitz Korta izendatu du Industria sailburuorde eta Iñigo Ansola EEEko zuzendaria kargugabetu

Publikatuta: 2024/09/10 13:59 (UTC+2) Azken eguneratzea: 2024/09/10 15:14 (UTC+2)

Joxe Mari Kortaren semeak Mikel Jauregik zuzentzen duen Departamentuan Sailburuordetza izango du. Bestalde, zortzi urtez karguan izan ostean, Ansolak Energiaren Euskal Erakundea gidatzeari agur esango dio. Mikel Amundarain Industria sailburuorde izandakoak hartuko dio lekukoa.

Talgok gora egin du burtsan, Hungariako enpresaren EEPari jarritako betoak eragindako amiltzearen ondoren

Publikatuta: 2024/08/28 11:28 (UTC+2) Azken eguneratzea: 2024/08/28 12:44 (UTC+2)

Talgoren akzioek goranzko bideari ekin diote pixkanaka asteazken goizean, eta 3,965 euroan kotizatu dira.

Energia enpresa handiek biodibertsitateari egindako kalteen % 47 estaltzen dute, EHUren ikerketa baten arabera

Publikatuta: 2024/08/20 11:58 (UTC+2) Azken eguneratzea: 2024/08/20 12:27 (UTC+2)

Goizeder Blanco ikertzailearen azterketa batek ondorioztatu du energia enpresek biodibertsitatearen kontrako gertakarien % 23 bakarrik adierazten dituztela argi.

LUR-1 euskal satelitearekin konektatu du AVSk

Publikatuta: 2024/08/17 13:10 (UTC+2) Azken eguneratzea: 2024/08/17 15:05 (UTC+2)

Bart Space X konpainiaren Falcon 9 kohetean espazioratu ostean, 12:39an Euskal Herrian osorik garatutako satelitearekin bat egin du Added Value Solutions (AVS) Arabako konpainiak.

LUR-1 euskal satelitearekin konektatzen saiatuko dira eguerdian, lehen ahaleginak huts egin ostean

Publikatuta: 2024/08/17 07:56 (UTC+2) Azken eguneratzea: 2024/08/17 12:59 (UTC+2)

Satelitea zeraman kohetearen jaurtiketa atzeratu egin zen, eta horren eraginez, kalkuluak berregiten ari dira konexioa ezartzeko. Kasu batzuetan bi aste behar izaten dira hori lortzeko. Space X konpainiaren Falcon 9 kohetean espazioratu dute, bart.

LUR-1, aurreneko euskal satelitea, espazioratu du Falcon 9 koheteak

Publikatuta: 2024/08/16 21:02 (UTC+2) Azken eguneratzea: 2024/08/17 09:12 (UTC+2)

Space X konpainiaren Falcon 9 kohetean espazioratu dute satelitea. Ameriketako Estatu Batuetako Indar Espazialak Vandenbergen (Kalifornia) duen basetik jaurti dute kohetea, 20:56an.

Falcon 9 koheteak orbitan jarriko du gaur LUR-1, aurreneko euskal satelitea

Publikatuta: 2024/08/16 05:00 (UTC+2) Azken eguneratzea: 2024/08/16 20:15 (UTC+2)

Satelitea diseinatu eta garatu duen AVS enpresako Espazioko zuzendariaren esanetan, Vandenbergetik (Kalifornia) dena prest dago eta misioa Gasteiztik monitorizatuko dute. Jaurtiketa Euskal Herriko 20:56ra arte atzeratu dute.

Iberdrolak Erresuma Batuko Electricity North West erosi du 5.000 milioi euroren truke

Publikatuta: 2024/08/02 21:10 (UTC+2) Azken eguneratzea: 2024/08/03 10:58 (UTC+2)

Erosketa honekin, Erresuma Batua bilakatzen da Iberdrolarentzat sare-aktiboen lehen herrialdea, 14.000 milioi euro ingururekin, eta, ondoren, AEB, 13.300 milioi euro. Erresuma Batuko sare elektrikoen bigarren operadore ere bihurtzen da.

Sindikatuekin eta patronalarekin pentsioen inguruko akordioa iragarri du Sanchezek

Publikatuta: 2024/07/31 11:32 (UTC+2) Azken eguneratzea: 2024/08/01 14:12 (UTC+2)

Espainiako gobernuburuaren arabera, pertsona bakoitzari egokitutako erretiro "malgu" baterako trantsizioa bermatuko du akordioak.

Tamara Yagüek zergak jaitsiko dituen ''begirada fiskal berria'' eskatu dio Pradalesi

Publikatuta: 2024/07/24 13:43 (UTC+2) Azken eguneratzea: 2024/07/24 13:43 (UTC+2)

Confebaskeko presidenteak inguruko lurraldeekin baldintzak berdintzea eskatu du. Bere hitzetan, elkarteen gaineko eta ondarearen gaineko zergak jaisteak Ogasunek egingo duten diru-bilketa handiagotuko du.

Iberdrolak % 64 handitu ditu bere irabaziak urteko lehen seihilekoan, 4.134 milioi euro irabazita

Publikatuta: 2024/07/24 09:20 (UTC+2) Azken eguneratzea: 2024/07/24 09:49 (UTC+2)

Konpainia elektrikoak azaldu duenez, hein handi batean, Mexikon dituzten negozioek utzitako gainbalioa eta jarduera eraginkorragoa izateko martxan jarritako estrategiak dauden irabazien atzean.

Lehendakariak ELArekin hasiko du ostiral honetan sindikatuekin eta patronalarekin egingo duen bilera-sorta

Publikatuta: 2024/07/19 08:06 (UTC+2) Azken eguneratzea: 2024/07/19 12:29 (UTC+2)

LABekin hitzordua astelehenean, uztailaren 22an, izango da. Egun horretan bertan, CCOO Euskadirekin ere bilduko da. UGT Euskadirekin hitzordua ixteko dago oraindik. Gizarte eragileekin egingo duten erronda hilaren 24an itxiko dute, Confebask patronalarekin.

Espainiako Estatuak eta banku talde batek 1.200 milioiko abala eman diote Siemens Gamesari

Publikatuta: 2024/07/16 15:06 (UTC+2) Azken eguneratzea: 2024/07/17 09:12 (UTC+2)

Eusko Jaurlaritza pozik agertu da konpainiari emandako babesarekin, eta ziurtatu du "Euskadin industria eta enplegua indartzea den guztia albiste ona" dela.

Confebask kezkatuta dago absentismo indize "altuagatik" eta lan-gatazkengatik

Publikatuta: 2024/07/16 13:23 (UTC+2) Azken eguneratzea: 2024/07/17 08:21 (UTC+2)

Confebaskek udako Kontseilu Orokorra egin du eta, hor, Tamara Yague presidenteak kargua hartu zuenetik igarotako urtearen balantzea egin du.

Talgok Skoda txekiarraren proposamen bat jaso du fusionatzeko

Publikatuta: 2024/07/16 10:27 (UTC+2) Azken eguneratzea: 2024/07/17 10:28 (UTC+2)

Negozioen eta industria-integrazioaren konbinazio bat planteatzen du proposamenak, baina ez du eskaintza ekonomikorik zehazten. Skoda da, hortaz, alternatiba Magyar Vagon hungariarrari aurre egiteko; izan ere, azken honek Talgo enpresaren % 100 erosteko eskaintza egin du.

Lehendakaria ELArekin bilduko da datorren ostiralean, sindikatuekin egingo duen bilera-sortaren barruan

Publikatuta: 2024/07/15 21:01 (UTC+2) Azken eguneratzea: 2024/07/16 08:43 (UTC+2)

LAB eta CCOO sindikatuekin datorren astelehenean bilduko da, eta asteazkenean Confebaskekin. Egun horretan Satse eta SMErekin ere bilduko da.

Iñigo Ucinen ustez, beharrezko da talentua Euskadira erakartzeko plangintza egoki bat egitea

Publikatuta: 2024/07/15 10:52 (UTC+2) Azken eguneratzea: 2024/07/16 08:51 (UTC+2)

Iñigo Ucin Mondragon Taldeko presidenteak ohartarazi duenez, "pertsonak falta dira" profil profesional desberdinak dituzten lanpostuetan, eta "hutsune handi bat egongo da beharko denaren eta egongo diren profesionalen artean".

Irizarrek 895 milioiko fakturazio errekorrarekin itxi du 2023a, aurreko urtean baino % 40 gehiago

Publikatuta: 2024/07/10 19:23 (UTC+2) Azken eguneratzea: 2024/07/11 08:48 (UTC+2)

Irizar kooperatibak errekor urtea izan du, 895 milioiko fakturazioarekin itxi du 2023a, aurreko urtean baino % 40 gehiago. Aurten mila milioi euroko fakturaziora hurbiltzea aurreikusten dute.

Cementos Rezolako langileek manifestazioa egin dute Donostian enplegu-erregulazioko espedientearen aurka

Publikatuta: 2024/07/09 13:02 (UTC+2) Azken eguneratzea: 2024/07/10 08:41 (UTC+2)

Uztailaren 5etik greba mugagabean dauden Donostiako Heilderberg Materials Cementos Rezolako langileak zuzendaritzak aurkeztutako enplegu-erregulazioko espedientearen aurka kalera irten dira. Espedienteak 56 langileri eragingo die, lantegiko deskarbonizazio-prozesuaren baitan.

Amaia Bernaras: "Ez dago genero proportzionaltasunik goi mailako ikasketa eta zuzendaritza postuen artean"

Publikatuta: 2024/07/09 11:39 (UTC+2) Azken eguneratzea: 2024/07/10 08:42 (UTC+2)

Europan bezala Espainiar estatuan ere derrigorrez izan beharko dute emakumeek enpresetako zuzendaritzen arduren erdia. Gisa honetako legeak beharrezko ikusten ditu Amaia Bernaras ASPEGI Gipuzkoako Emakume Profesional eta Enpresari Elkarteko lehendakariordeak.

Lanaldia murrizteko proposamen "malguagoa" aurkeztu du Lan Ministerioak, patronalak "hurbiltzeko" asmoz

Publikatuta: 2024/07/08 13:19 (UTC+2) Azken eguneratzea: 2024/07/09 08:54 (UTC+2)

Espainiako Lan Ministerioak lanandia murrizteko proposamen berri bat jarri du mahai gainean, aurrekoa baino malguagoa, CEOE eta Cepyme patronalen jarrerak hurbiltzeko asmoz. Zenbait sektoretan orduen banaketa irregularrak egiteko tarte handiagoa aurreikusten du proposamen berri horrek.

1 / 30 Hurrengoa