Prestaketa

Esnea sutan jarriko dugu eta 55 gradutara iristen denean, sutatik kenduko dugu. Molde bakoitzean 4 tanta gatzagi jarriko ditugu eta esnea botako diogu gainera. Pausatzen utziko dugu, gatzatu arte.

Sagar gelatina egiteko, sagarrak zatitu, urez estali eta 20 minutuz egosiko ditugu. Ondoren, iragazi eta erdira urrituko dugu. Amaitzeko azukrea gehitu eta loditzen utziko dugu.

Sagar zukua egiteko, berriz, ontzi batean azukrea berotuko dugu. Karamelatzen denean, sagardoa bota eta hozten utziko dugu. Ondoren, sagarrak, limoi zukua, gurina eta gatza gehitu, eta labean edukiko ditugu 20 minutuz 110 gradutan.