Prestaketa

Zailtasuna: Erraza

Kostua: 4-7 euro

Kaloriak: 305 kcal

Itziar Aizpuru

NOLA EGIN:

- Tipula eta berakatza txiki-txiki egin eta zartagin batean oliba olio pixka batekin sueztitu, 5 min. Porrua ongi txikituta gehitu eta dena sueztitzen utzi.

- Barazkiak gorritzen hastean, arrain xerrak gainean jarri, haragiaren aldetik. 2 min pasatutakoan, irina eta piperrauts gozoa bota gainetik eta arrainari buelta eman. Beste alde hori pixka bat egiten utzi eta ardo zuriarekin eta arrain saldarekin busti, arraina erdi estali arte.

- Tomate saltsa, txirlak eta arrautza egosia lautan zatituta gehitu, gatza bota eta eginda dagoenean, zerbitzatu.