Prestaketa

Apio zurtoinak garbitu eta hariak ongi kendu. Zurtoin bakoitza lau zatitan moztu eta zati bakoitza luzetara fin-fin ebaki.

Apio zatiak silikonazko lurrunetako gailuan sartu, eskuekin ur tanta batzuk bota eta mikrohuin labean egosi potentziarik altuenean 6 minutuz.

Atera, apioari sardeskarekin buelta batzuk eman eta berriro sartu eta beste 4-6 minutuz egosten eduki. Atera eta epeltzen utzi.

Apioa epeltzen den bitartean tortilla egin 3 arrautzarekin zartagi txiki batean, ohiko prozedura jarraituz. Beste 3 arrautzarekin beste tortilla bat egin eta bi tortillak gorde.

Tipulina edo martorria txikitu.

Maionesa, laktonesa, sojanesa edo nahi den maionesa antzeko saltsa egin (erositakoak balio du).

Apio zatiak, aukeratutako usain-belarra eta maionesa nahasi.

Tortilletako bat platerean jarri oinarri bezala eta aurreko nahaskia gainetik jarri, ongi zabalduz. Beste tortilla gainetik jarri eta lixto.

Ogiarekin lagunduta jan.