Ur Handitan
22:25ean
Gizon eta emakumeen arteko berdintasuna, gaur, 'Ur Handitan' saioan
A.E.
EiTB
'EZberdin' erreportajean, Jaime Otamendi emakume eta gizonen berdintasunaz mintzatuko diren lagunekin bilduko da, 22:25ean, ETB1en.
Informazio gehiago (1)
Gaur, 22:25ean, 'Ur Handitan' saioak EZberdin erreportajea eskainiko du. Bertan, Jaime Otamendi emakume eta gizonen arteko berdintasunaz mintzatuko diren lagunekin bilduko da.
Aurrerapausoak izan diren arren, oraindik ere asko falta da emakumeak eta gizonak berdintasunezko egoeran egoteko, batez ere soldatetan, sexuaren araberako lanaren banaketan, erantzukizun-karguetan, etxeko lanen banaketan eta zaintza-lanetan, neska eta mutilen arteko harreman afektiboetan, kirolean... Baina, dudarik gabe, emakumeen kontrako indarkeria da berdintasunik ezaren adierazpen izugarriena.
EZberdin saioan, hauek izango dira protagonista: Ainhoa Malaxetxebarria indarkeriaren biktima, Mikel Otxotorena ON:GIZ elkartekoa, Eli Pinedo eskubaloi jokalaria, Dorleta Ugalde Eusko Jaurlaritzako kirol teknikaria, Alazne Aizpitarte psikologoa eta Pili Garcia Gipuzkoako lehenengo suhiltzailea. Horiekin hitz egiteaz gain, zenbait gazteren iritziak eta testigantzak bildu ditu saioak.
du ditu saioak.