Zuek hor
Gaurko gaiak
Arrasateko paulipotea, 'Zuek hor eta gu hemen' saioan!
EiTB
Reyes Prados, Mikel Elizegi eta Axi Muniain izango dituzte tertuliakide Agurne Anasagastirekin batera.
Iritsi da osteguna. Asteburua bertan denez, umoretsu heldu beharko diogu, ezta? Horretarako mundiala da 'Zuek hor eta gu hemen' saioko Paulino eta bere paulipotea. Joan den astean Arrasaten egon zen, eta gaur erakutsiko digu zertan ibili zen han. Hor nonbait jakin dugu, asto gainean ibiltzeko astia ere hartu zuela. Paulino honek ez du konponbiderik…
Paulipotea zure herrira joatea nahi duzula? Idatz iezaguzu Facebook, Twitter edo WhatsApp bidez (605779540), eta esan zein egunetan egiten duzuen zuen herrian pintxo-potea. Paulipotea bertara joatea nahi baduzue, eskatu besterik ez duzue egin behar.
Agurne Anasagastirekin tertulia egitera etorriko dira Reyes Prados, Mikel Elizegi eta Axi Muniain. Gainera, Muniainek beste abentura baten bideo itzel bat ekarriko digu.
Eta gogoratu: gaurkoa azken eguna izango da gure lehiaketan parte hartzeko. Ba al dakizu zein den fraileek ahapeka abesten duten kanta? Hala bada, bidali mezu bat WhatsApp bidez 605779540 telefono-zenbakira, abestiaren izenburua eta zuen izen-abizenak jarriz, eta ostiralean Mar y Mar nekazaritza-turismoko etxean asteburu zoragarri bat igarotzeko zozketan sartuko zara zuzenean.
