Paulino eta Nagore Osoro pintxo-potean imajinatzen?

Iritsi da osteguna. Asteburua bertan da, eta asteburuari umorearekin heldu beharko diogu, ezta? Horretarako mundiala, Paulino eta bere paulipotea! Joan den astean Ondarroan izan zen Paulipotea, eta nor aurkituko bertan eta gure kolaboratzaile den Nagore Osoro, Zumaiako arraun taldeko patroia! Bi hauek, elkarrekin eta pintxo-potean? Ondarroako kaleek su hartuko zuten gutxienez!

Paulipotea zure herrira joatea nahi duzula? Idatz iezaguzu Facebook (www.facebook.com/zuekhor), Twitter (@zuekhor) edo WhatsApp (605779540) bidez, eta esaiguzu zein egunetan egiten duzuen zuen herrian pintxo-potea, eta Paulipotea bertara joango da!

Agurne Anasagastirekin tertulia Bastante Interesantia egitera etorriko dira ostegunetan ohiko bihurtu diren Reyes Prados, Mikel Elizegi eta Axi Muniain! Gainera, Muniainek abentura bideo berri bat ekarriko digu, kotxeak direla medio.

Eta gogoratu azken eguna izango dela gure lehiaketan parte hartzeko! Ba al dakizu zein den fraideek ahopean abesten duten kanta? Hala bada, bidali mezu bat WhatsApp bidez 605779540 telefono zenbakira, abestiaren izenburua eta zuen izen-abizenak jarriz, eta ostiralean Debako Aisia talasoterapian asteburu bat irabazteko aukera izango duzu!