Autobus bat irauli da AP-68 autobidean, Urkabustaiz parean, (Araba) eta pertsona bat larri zauritu da, Eusko Jaurlaritzako Segurtasun Sailak jakinarazi duenez.

Istripuaren unean, lau bidaiari eta gidaria zihoazen autobusean. Larri zauritutako emakumea helikopteroz eraman dute Barakaldoko Gurutzetako ospitalera. Autobuseko gidaria eta gainerako hiru bidariak arin zauritu dira eta Txagorritxuko ospitalera eraman dituzte.

Oraindik argitu gabeko arrazoiak tarteko, 09:30 inguruan Bilbo-Logroño bidea egiten ari zen autobusa irauli egin da eta 360º-ko bira eman du.

Autobusak ez du zirkulazioa oztopatzen, baina eskuineko bidea itxita dago Logroñorako bidean errepidea garbitzen duten bitartean.