Politika -
Arabako Foru Aldundia
Arruabarrena eta Erkiaga, EAko bi diputatu kaleratuen ordezkoak
2011ko aurrekontuen proiektuari bederatzi zuzenketa egin ostean, Xabier Agirrek Mikel Mintegi eta Lorena Lopez kanporatu zituen azaroaren 26an.
Erredakzioa
Malentxo Arruabarrena EAJk Gasteizko Udalean duen bozeramailea eta Andoni Erkiaga Arabako Lanak erakunde publikoko zuzendaria izango dira EAko bi diputatu kaleratuen ordezkoak, Xabier Agirre Arabako ahaldun nagusiak iragarri duenez.
Mikel Mintegi Ingurumen diputatua eta Lorena Lopez Kultura diputatua ordezkatuko dituzte Erkiagak eta Arruabarrenak.
2011ko aurrekontuen proiektuari bederatzi zuzenketa egin ostean, Xabier Agirrek EAko diputatu biak kanporatu zituen, azaroaren 26an.
Zuzenketarik eginez gero EAko diputatuak kanporatu eta Arabako Aldundiko gobernu akordioa apurtuko zuela ohartarazi zuen Agirrek.
