Bilboko Aste Nagusia
2. urtez
'Arrain Fish Festival', Aste Nagusiko plater nagusia, 26tik aurrera
Agentziak | Erredakzioa
Antolatzaileen helburua parte-hartzea, kultura gastronomikoaren hedapena eta 'slow food' kontzeptua zabaltzea da.
-
Kepa Freire da aurtengo jaialdiaren zuzendaria. Irudia: bilbokokonpartsak
'Arrain Fish Festival' Bilboko Konpartsak bultzatutako ekimena abuztuaren 26an hasiko da, bigarren urtez, iaz "Aste Nagusiko plater nagusietako bat" izan eta gero, konpartsen koordinakundeak adierazi duenez.
Izaskun Madariaga eta Itxaso Perez Bilboko Konpartsen bozeramaleek abuztuaren 26tik 29ra egitekoa den jaialdi gastronomikoaren egitaraua aurkeztu dute Erriberako Merkatuan: "Gastronomikoa Bilboko jaien ereduaren adibiderik onenean bihurtu dugu", esan du.
Helburu nagusietako bat da "kanpokoei gure kultura eta gure sukaldaritza bertatik bertara erakutsaraztea".
Beste asmoetako bat da 'slow food' kontzeptua, ohiko sukaldaritzaren erroetatik gertu, zabaltzea.
Madariagaren esanetan, "Aste Nagusiaren erronketako bat jai herrikoi eta parte-hartzailea izatea da"; hori dela eta, 'Arrain Fish Festival' 'lagun talde handi baten" lanaren ondorio da.
Ekitaldia egiteko, Bilboko Konpartsak Kepa Freiren laguntzaz baliatu dira, aurtengo ekitaldiaren zuzendaria, eta beste izen handiko jatetxe batzuen ordezkariak ere lagun izan dituzte, besteak beste, Yandiola, Bascook eta Zapirain.
Gainera, umeek aukera izango dute lehiatuko diren platerak ere aurkezteko eta, astebetean, gazteentzako arrantza eskolan parte hartu ahal izango dute.
