13:22

Herriak eta Hiriak

Andre Maria Zuriaren jaiak

Neska eta blusa beteranoek jai giroan jarraitzen dute Gasteizko festetan

AGENTZIAK | ERREDAKZIOA

Goizean goiz, ohikoa denez, blusa eta neska ugari bildu dira Andre Maria Zuriaren omenezko elizkizunean eta lore-eskaintzan parte hartzeko.

3:09
  • Whatsapp
  • Whatsapp
  • telegram
  • Bidali

Neska eta blusa beteranoak ari dira gaur jai giroa jartzen amaitzear dauden Gasteizko festetan.

Atzo txikienen eguna izan ondoren, gaur neska eta blusa beteranoen txanda da, eta horiek dira gaurko eguneko protagonista nagusiak.

Gasteizko kaleetan nabari da dagoeneko lau jaiegun igaro direla ostiralean Zeledon San Migel elizako dorretik jaitsi zenetik.

Erdigunetik gaur jende gutxiago ikusten den arren eta eguraldi gris samarrak askorik laguntzen ez badu ere, beteranoenak jai giroa berotzen ari dira.

Goizean goiz, ohikoa denez, blusa eta neska ugari bildu dira Andre Maria Zuriaren omenezko elizkizunean eta lore-eskaintzan parte hartzeko.

Ondoren, batzuek kalejiran parte hartu dute, beste batzuek hamaiketakoari ekin diote, eta hiriko hainbat gunetan umeentzat egin diren ikuskizunak ikustera lobak eraman dituenik ere bada.

Bihar izango da Gasteizko jaietako azken eguna, ostegun goizaldean agurtuko baitute Zeledon datorren urtera arte.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena