Herriak eta Hiriak
Aste Nagusia
Hontzak konpartsa salatzea aztertzen ari da Bilboko Apezpikutza
EITB.EUS
Konpartsa horretako txosnan 'Vatikanoko Harategiak' izenburupean jarritako Kristo Gurutzatuak "sinesmen erlijiosoak iraintzen ditu", ohar baten bidez Bilboko gotzainak salatu duenez.
Informazio gehiago (1)
Hontzak konpartsa salatzea aztertzen ari da Bilboko gotzaina, konpartsa horrek Aste Nagusiko txosnan 'Vatikanoko Harategiak' izenburupean jarritako Kristo Gurutzatuaren irudiagatik.
Bilboko Apezpikutzak ohar baten bidez salatu duenez, "irudi biraolariak dira, eta sentimendu sakonak eta sinesmen erlijiosoak iraintzen dituzte".
"Erasoa" gaitzetsiz gain, irudi horiek txosnatik kentzeko eskatu du gotzainak, eta "erakunde publikoen babesa eta parte hartzea" exijitu. Apezpikutzaren hitzetan, irudi horiek "askatasun erlijiosoaren aurka doaz". Hori dela eta, ekintza juridikoren bat abiatzea aztertzen ari da.
'Hausnarketa egiteko' eskatu dio Aburtok
Ika-mika horren harira, 'hausnarketa egiteko' eskatu dio Juan Mari Aburto Bilboko alkateak Hontzak konpartsari. "Ez zait batera gustatzen", esan du, "bakoitzarena aldarrikatzeko ez da beharrezkoak besteak iraintzea".
"Jendea saminduta sentitu bada, zeozer egin beharko zuketen", gaineratu du alkateak. "Denok gustura egoteko lekua izan behar dira Bilboko jaiak", ondorioztatu du.
¿ Como Alcalde, mi total rechazo a las actitudes de falta de respeto a instituciones y personas en el recinto festivo #AsteNagusia2017
— Juan Mari Aburto (@juanmariaburto) 20 de agosto de 2017
Bizkaiko PPk ere Hontzak konpartsaren muntairen aurkako jarrera erakutsi nahi izan du sare sozialetan.
t="utf-8">¿Falta de respeto y aberración inadmisible.Esto es lo que se expone en el recinto de txosnas.Exigimos al @bilbao_udala su retirada inmediata pic.twitter.com/1WUMSPLb5b
— PP Bizkaia (@PPBizkaia) 19 de agosto de 2017
