13:46

Herriak eta Hiriak

Elkarrizketa

Gil: '30 kilometro orduko abiadura-mugak ez ditu auto-ilara handiagoak sortuko'

eitb.eus

Neurri berriak "aldatzeko asmoa du, ez du inor zehatu nahi, ez da zigor-neurri bat; mugikortasun seguruago eta osasuntsuago bat lortu nahi dugu", ziurtatu du Bilboko Udalaren Mugikortasun zinegotziak.

  • Alfonso Gil Bilboko Mugikortasun zinegotzia. Argazkia: Bilboko Udala

    Alfonso Gil Bilboko Mugikortasun zinegotzia. Argazkia: Bilboko Udala

  • Whatsapp
  • Whatsapp
  • telegram
  • Bidali

Bizkaiko hiriburuaren kale gehienetan 30 kilometro orduko abiadura-muga indarrean sartzeko bezperan, Alfonso Gil Bilboko Udalaren Mugikortasun zinegotzia elkarrizketatu dute Radio Euskadiko 'Boulevard' irratsaioan.

“Helburua bizilagunen osasuna hobetzea da, abiadura txikiagoak zarata eta kutsadura gutxiago sortuko ditu eta, nahiz eta zentzu horretan oso gaizki ez egon, istripu kopurua ere murriztuko du”, adierazi duenez. Aurrekariak dituen “filosofia aldaketa” bat dela erantsi du agintariak. Horrela, Castaños auzoko kasua gogora ekarri du Gilek. “Orain atzera botatzen baldin badugu, astintzen naute; zarata gutxiago da, haurrak eskolatik lasai ateratzen dira, itsas hondar efektuak behera egin du, arnasten ditugun partikulak murrizten direlako”, azaldu du.

Udaleko datuen arabera, nahiz eta alderantzizkoa pentsatu, batezbesteko abiadura 29,4 kilometro ordukoa da Bilbon. Sarbide eta irteera nagusiak araudi berritik at geratu direla gogorarazi du Gilek. “Pertsonak eta merkantziak bizkorragoak izan behar dira, merkataritza hiriaren jarduera nagusia da, eta zaindu dugu”, ziurtatu du.

Araudi berria betearazteko orduan, ideia “inor zehatzea edo jendearen bila joatea” ez dela esan du zinegotziak, “gidatzeko modua pixkanaka-pixkanaka aldatzea baizik, berrerorleak soilik zigortuko dituzte”. Uztailaren 1ean indarrean sartuko den emakumeentzako gau geltoki zerbitzu bereziari dagokionez, “Bilbon genero indarkeria eta emakumeen segurtasun eza saihesten duen edozer martxan jarri behar dugu”, adierazi du.

Iruzkinak

  • Publizitatea

    orain albiste

    Albiste gehiago

    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena