Publizitatea
X

Irratia zuzenean

Sanferminetako hirugarren entzierroa, 2018 uztailak 9: Cebada Gagoren zezenak

Herriak eta Hiriak

Sanferminak

Cebada Gagoren zezenek bananduta eta arin osatu dute ibilbidea

eitb.eus

2018/07/09

Sei zezenek 2 minutu eta 33 segundo behar izan dituzte Iruñeko kaleak zeharkatzeko. Ibilbide erdian banandu egin dira, eta batzuk erori, baina ez da arrisku handiko egoerarik sortu.

  • Whatsapp
  • Bidali

Cebada Gago Cadizeko ganadutegiko zezenek 2018ko sanferminetako hirugarren entzierroa egin dute.

Cebada Gagoren zezenek 2 minutu eta 33 segundotan osatu dute ibilbidea, eta Estafeta inguruan banandu dira.

Kaleak ez dira bustita egon, aurreko egunetan ez bezala, eta jende gutxien elkartu dituen entzierroa izan da, hori dela eta, lasterketa polita osatu ahal izan dute.

Animaliek ez dute inor adarkatu ezta arrisku handiko egoerarik sortu ere.

Suziria bota eta berehala, kabestruek gidatuta, zezen taldea Santo Domingoko aldapatik abiatu da eta, horrela, lasterketari ekin dio korrikalariekin bat eginda.

Atal horretan, aurrean zihoazen hirurek abiadura handitu dute.

Oso arinak izan direnez, taldea sakabanatuta heldu da Udaletxe plazara, korrikalariek haiengandik distantzia mantentzen zuten bitartean, orduan baten batek irrist egin du Mercaderesen.

Modu garbian eta horma ukitu gabe hartu dute Estafetako bihurgunea eta, mainadan hutsunean zabaldu direnez, korrikalariak gerturatu eta adarren artean ibili dira.

Tentsio une handienetako bat Telefonica aldean izan da, kale zulora heldu baino lehen, eta han bizienek elkarrekin topo egin dute, norabide apur batean galduta, baina berehala  berrekin diote bideari.

Zaurituak

Lau pertsona eraman dituzte Nafarroako Ospitalera gaurko entzierroaren ostean, horietako inor adarkadaz zauritua.

Nabarmenena J.S. Alaskako herritarra da (30 urte); Mercaderes kalean zezen batek lurrera bota du eta burezurreko traumatismoa eragin dio. Pronostikoa ez da larria. Hasieran konorterik gabe geratu bada ere, ospitalera heldu denerako bere kordean zegoen. Medikuen asmoa da egun batzuk ospitalean geratzea, haren egoeraren jarraipena egiteko, baina, ospitaletik adierazi dutenez, zaurituak, atzerritarrak, alde egiteko asmoa dauka.

Gainerako zaurituak: Tafallako F.D.G. -37 urte-, Mercaderesen erori da eta buruan kolpea hartu du; Madrileko A.H.J. izeneko 21 urteko gazteak kolpea hartu du aurpegian, Telefonica parean erorikoa izanda; Iruñeko 20 urteko emakume bat ere erori da leku berean, eta hainbat kolpe hartu ditu. Horiek guztiak ez daude larri eta sendagiria jasoko dute egunean zehar.

Aurreko entzierroetan zauritutakoei dagokienez, alta hartu dute denek, bik izan ezik. Biak lehen entzierroan zauritu ziren, horietako bat adarkadaz eta bestea orkatila bihurrituta. Hobera egiten ari dira biak.

Cebada Gago, ganadutegi sariduna

Atzean, gainerakoek jarraitu dute eta, korrikalariek ondo gidatuta, arazorik gabe heldu dira kortara.

Jose Cebada Gagoren Oinordekoek zortzi zezen ekarri dituzte hiriburu nafarrera: gaztaina-koloreko hiru, bi beltz, bi urdin eta gorri bat. 495 eta 570 kilo artean pisatzen dute.

29 aldiz izan dira Iruñeko zezenketetan. Ganadutegiak zazpi sari jaso ditu Iruñeko Zezenaren Ferian eta lau Carriquiri sari, Miserikordiaren Etxeak zabaldu duenez.

Iruzkinak

Publizitatea
  • Publizitatea
    Publizitatea

    • Sanferminak 2018

      Sanferminak 2018

      Ezagutu ezazu Sanferminetako albisteak, argazkiak eta bideoak eitb.eus atarian

    Publizitatea
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena