5 pertsona artatu dituzte Iruñeko barraketako txurro denda batean sutea piztu ondoren

Bost pertsona artatu zituzten atzo, osteguna, Iruñeko barraken guneko txurro denda batean sutea piztu ondoren.

DYAk gaur goizean jakinarazi duenez, bi pertsonak erredurak zituzten, beste bik kea arnastu zuten eta bosgarrenak antsietate krisia izan zuen. Dena den, guztiek tokian bertan jaso zuten osasun arreta.

Nafarroako Gobernuko suhiltzaileek Twitter sare sozialean zabaldutako informazioaren arabera, garrak frijiontzi batean piztu ziren, eta aparra erabili zuten sua itzaltzeko.