Amaitu dira 2023ko sanferminak, eta hasi da 2024rako atzera kontaketa. Zapi gorriak lepotik kenduta eta kandelak eskutan zituztela, milaka pertsona bildu dira Iruñeko Udalaren atarian. Cristina Ibarrola hiriko alkateak, aurtengo festetan izandako giro ona nabarmendu du.

Zortzi egunez jarraian zuzenean eskaini digute sanferminetako entzierroen giroa Iñaki Ainciburu, Anabel Arraiza, Albina Stardust, Iñigo Ziganda eta Leyre Mateos erreportariek. Bikain egin dute beren lana, baina tarteka izan da hanka sartzeren bat edo beste.

San Fermin jaiak jendetsuak izan dira ezbairik gabe. Hala diote behintzat ostalaritzan lan egin dutenak eta baita kalean topatu dugun jendeak ere.

18 urte bete berri ditu Irati Purroy ganaduzaleak. Osabarekin hitz egin ondoren, aurten, lehenbiziko aldiz, entzierroan egin du korrika, birritan gainera. Santo Domingoko aldapa aukeratu du horretarako. Berriz ere irteteko gogoz geratu da.

Urtero bezala, sanferminak agurtzeko ohiko "Gaixoa Ni" ekitaldia zuzenean jarraitu ahal izango da, Iruñetik. Ilaski Serranok aurkeztuta, Martxelo Sotes eta Egoitz Txurruka izango ditu emanaldian lagun.

Aurtengo azken entzierroa amaitu bezain laster, langileak ibilbidean dauden 900 zutoinak, 2.700 oholak eta 2.500 egurrezko falkak kentzen hasi dira.

Josetxo eta Asier zezen plazako ahotsak ezagutu ditugu. Entzierroaren aurretik zezen plaza girotzen dute. Bederatzi urte daramate lan horretan eta denetarik egiten dute; musika jarri, dantza eta Kiss Cam deritzona, besteak beste.

Iñaki Elorza 'Txapas' Euskadi Irratiko esatariak 27 urte eman ditu sanferminetako entzierroen zuzeneko emanaldia egiten. Entzierroak aldatu egin direla dio, segurtasuna hobetu da, baina jendeak arriskua gustuko duela gaineratu du.

Sei zezen dira, lau kapa beltzekoak eta bi urdin ilunak. Pisurik txikiena duenak 565 kilogramo pisatzen du, eta handiena duenak, berriz, 635 kilogramo.

San Fermin jaietan, Nafarroa guztitik etorritako boluntarioek egiten dute lan Gurutze Gorrian. Entzierroan bertan bakarrik 100 bat lagun izaten dira. Beraien lana ezagutu dugu gertutik, eta merezitako aitortza egin diegu.

Haurrek eta gaztetxoek ezin dute San Fermin jaietako entzierroetan parte hartu, noski, baina beraientzat Entzierro Txikia antolatzen dute urtero eta primerako giroa sortzen da.

Egunean beirarako bi kontainer eta hiru zabor kamioi ateratzen dituzte zezen plazatik. Lan ikusezin bezain beharrezkoa egunero Iruñeko zezen plazan. Hondarra zaintzen dutenen lana ere ezinbestekoa da.

Sanferminetako "unetxoak" jasotzen dituzte argazkilariek egunotan. Josu Santestebanek 25 urte daramatza lan horretan eta hainbat pasarte interesgarri kontatu dizkio Anabel Arraiza kazetariari.

Uztailak 11n Jotaren Eguna ospatzen da eta Iruñan 200 bat jotari biltzen dira sanferminetan. Iñaki Reta 'Irabia' Jota Eskolaren sortzaileak azaldu digunez, jotak Nafarroako kulturaren parte dira. Hala, Paulak eta Iñakik euskaraz abestu digute jota bat "Entzierroa" saioan, zuzenean.

Adarkadak, kolpeak eta zauriak… Osasun langileek buru belarri egiten dute lan San Fermin jaietan. Kalean, lehen arreta azkarra ematen dute, eta zauriak larriak badira, ospitalean artatzen dituzte.

Ibilbide barruko tabernak leku ezin hobeak bihurtu dira zezenak igarotzen ikusteko, eta proposamen interesgarria egiten dute egunotarako. Entzierroa ikusteko babes neurriak jartzeaz gain, ondoren hamaiketakoa eskaintzen diete bezeroei.

Nafarroako Unibertsitate Ospitalean izan gara, eta entzierro egunetan nola lan egiten duten kontatu digute.

Goizero, uztailaren 7tik 14ra, Iruñea goiz jaikitzen da entzierroa prestatzeko. 8:00etarako 848,6 metroko ibilbideak prest egon behar du 6 zezenen, zalkien eta milaka korrikalariren ibilbiderako.

Iruñeko karriketara irten gara San Fermin jaietako entzierroei buruz dugun ezagutza maila neurtzeko. Zer abesten dute korrikalariek entzierrora irten aurretik? Zenbat zezen ateratzen dira egunero? Hauek eman dizkiguten erantzunak.

Betaurreko trabestien ikuspuntutik emango digu Albinak San Fermin jaietako giroaren berri. Oraingoan, aurtengo joerez aritu da. Mugikorra gordetzeko gerriko gorria, edalontziak eramateko tramankuluak, betaurreko koloretsuak, apaingarri dirdiratsuak… Denetarik aurkitu du Iruñeko karriketan.

Lehertu da festa Iruñean, eta horrekin batera, lehen entzierrorako hitzordua egin digu Iban Garatek. La Palmosilla ganadutegiaren sei zezen izango dira protagonistak. Ez ahaztu, 07:50etik aurrera, ETB1en eta eitb.eus atarian.