16:12

Herriak eta Hiriak

BIZKAIA

Gidari bat atxilotu dute Basaurin, autoak jo eta kontrako noranzkoan gidatzeagatik

AGENTZIA | ERREDAKZIOA

68 urteko gizon bat da, Basauriko bizilaguna, eta atxiloketaren unean alkoholaren eraginpean zegoela uste dute.

  • Whatsapp
  • Whatsapp
  • telegram
  • Bidali

Basauriko Udaltzaingoak 68 urteko bizilagun bat atxilotu du, autoarekin hainbat ibilgailu jo, ihes egin eta aurkako norabidean gidatzea egotzita. Itxuraz, alkoholaren eraginpean zegoen.

Udaleko iturriek jakinarazi dutenez, Udaltzaingoak asteartean 09:40ak aldera jaso zuen abisua gidari batek Juan XXIII.a kalean aparkatuta zegoen ibilgailu batekin talka egin eta ihes egin zuela esanez.

Lekukoek gertaeren tokira bertaratutako agenteei kontatu ziotenez, gidariak beste bi auto kolpatu zituen Antonio Trueba kalean eta laugarren bat Ibaigane kalean. Halaber, Jose Garai kalean edukiontzi baten kontra talka egin zuen.

Ihesean zebilela kontrako noranzkoan gidatu zuen, harik eta agenteek geldiarazi zuten arte. Gainera, autoaren gurpiletako bat lehertuta zeukan.

Gidaria identifikatzerako garaian, alkoholaren eraginpean zegoela antzeman zioten agenteek eta atxilotu egin zuten, trafiko segurtasunaren kontrako delitua leporatuta.

Iruzkinak

  • Publizitatea
    Publizitatea
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena